BIANCA UMALI, ‘THE ONE’ NA BA?

Ang aktres na si Bianca Umali na pala talaga ang palaging ipinagdarasal ni Ruru Madrid na sana’y maging babaeng makakasama niya for the rest of his life at ramdam ng aktor na natagpuan na niya ang “the one” sa katauhan ni Bianca at nakikita na raw niyang ang dalaga na ang makakasama niya habambuhay.

Nang matanong si Ruru kaugnay sa kasal, sinabi ng binata na walang specific na date or age kung kailan siya lalagay sa tahimik.

“Kasi for me ‘yung mga bagay na nangyayari, lalong-lalo na ‘yung mga big events sa buhay natin, hindi natin ‘yan agad-agad puwedeng iplano ahead of time. Kasi once na maramdaman mo ‘yan sa puso mo na it’s time, ‘yun na talaga ‘yon. Wala nang makakapigil pa doon,” sabi Ruru.

Natanong rin si Ruru kung si Bianca na ba ang kanyang “forever.”

“Sana siya na. Kasi siyempre napakarami pang puwedeng mangyari sa mga buhay namin. Pero ang dami mga pagsubok pa, for sure, na pagdadaanan kami parehas. Pero alam ko naman, based sa mga napagdaanan na namin sa mga nakalipas na panahon, nalampasan namin ‘yon. So for sure, malalampasan din namin ulit ‘yon,” sabi ng binata.

“Sa amin kasi ‘yun ‘yung tinatawag na pinagpanata. Araw-araw at gabi-gabi, pinagpe-pray ko na sana siya na talaga ‘yung babae na nakatakda para sa akin. Totoo ‘yon, walang imposible sa Panginoong Diyos. Once na binigay na ‘yan sa ‘yo, sayong-sayo na ‘yan,” dagdag pa niya.

May mensahe rin ang binata para kay Bianca. “Ikaw ang nagbibigay ng inspirasyon sa akin sa araw-araw para gumising ako sa araw-araw. Ikaw ang nagsisilbing gasolina ko kapag napapagod na ako sa trabaho, kapag nawawalan ako ng pag-asa. Ikaw ang nagpapaalala sa akin ng worth ko at ikaw ang nagpapaalala sa akin na maraming taong nagmamahal sa akin.Kaya lagi mong tatandaan, hindi ko man kayang suklian lahat ng mga kabutihan na ginagawa mo sa akin pero unti-unti ipaparamdam ko sa ‘yo kung gaano ka kaimportante sa buhay ko,” sabi ng binata.