BELLE MARIANO, INAABANGAN

Nakaabang na ang mga fans ng aktres na si Belle Mariano at kaloveteam niyang si Donny Pangilinan sa bagong music video ng OPM hitmaker na si Zack Tabudlo para sa kantang “Pinadama.”

Wala pang detalye kung ano ang magiging story sa music video, pero ayon kay Zack ay malapit na niya itong i-release.

Ipinakita ng singer sa kanyang Instagram ang isang picture kasama ang DonBelle at may caption pa itong, “‘Pinadama’ Official Music Video coming vv soon! starring the one and only @donny and @belle_mariano (red heart emoji)”

Napa-comment naman ang maraming fans at sinabing hindi na sila makapaghintay sa pagtatamabalan ng dalawa.

Ang kantang “Pinadama” ay isa rin sa mga original soundtrack sa upcoming movie ng DonBelle na may titulong “An Inconvenient Love.”

Ipinost mismo ‘yan ng Star Cinema kalakip ang pasilip ng romantic film.