OooOOOooo

Hiligaynon - - Showbiz Tsika -

masami naman nga lutoson ni Contessa. Pero ang nakalipay sa mga netizens nga isa-isa na nga nakatimalos si Contessa sa mga tao nga naghalit sa iya pamilya kag sa iya pagkatao. Nangin maisog sia kag mapag-on. Sugoran na niya ang lubos nga paghalit sa ngalan sang mga Imperial nga sanday Charito (Chanda Romero), Vito (Gabby Eigenmann) kag Daniela. Gin-una niya nga timalusan ang panganay nga si Vito. May nagbulig kay Contessa nga nagpadala sang video nga nagapakita nga isa ka bakla si Vito, gani nagbayad sia sang tao nga labi nga makapierde sa pagkatao ni Vito, kag nakuhaan sang video ang ginahimo sini. Sa isa ka daku nga selebrasyon sang mga Imperial, ginpagua ang amo nga video gani nahibal-an na sang tanan ang tunay nga pagkatao ni Vito, nga ginakahadlukan sang ila mga business associates. Matan-an ang Contessa Monday to Saturday sa GMA-7, after sang Eat Bulaga. GINPAHAYAG ni JM de Guzman nga karon nga nakabalik na sia sa showbiz, indi lang ang pag-artista ang luyag niya balikan. Luyag man kuno niya nga mag-produce sang pelikula nga may kapuslanan agod mangin ehemplo sa mga kabataan, nga nagtalang sang banas. Madugay man kag makabalik si JM de Guzman sa showbiz. Matandaan nga nagparehab sia bangod sa mapait nga mga hitabu sa iya kabuhi. Karon masiling niya nga fully recovered na sia kag handa naman nga atubangon ang hingalit niya ginbayaan nga career sa showbiz. Lubos naman sia nga ginbaton sang mga producer kag sa iya TV comeback, ginhatagan sia sang isa ka matahom nga role sa isa ka afternoon drama series nga “Araw Gabi”, isa ka popular nga series sa “Precious Hearts Romances. Ang “Araw Gabi” napunan sang love, mystery and suspense.

Sa estorya, ang main character nga si Adrians (JM) may masalimuot nga pangabuhi. Sia ang nagadumala sa isa ka vacation resort sa isa ka isla. Bangod sa iya mga problema, nangin istrikto sia sa iya mga staff. Bisan sa iya ginhalinan nga banwa ginabilang man sia nga outcast.

Isa naman ka account director si Michelle nga ginatungdan naman ni Barbie Imperial. Isa sa iya nangin proyekto amo ang Tranquita Resort sa El Paraiso nga ginadumalahan naman ni Adrian. Indi nangin maayo ang una nila nga pagkitaay sa resort. Daan na sila nga magkakilala kag nakibot pa si Mich sang mahibalan nga si Adrian gali ang tag-iya sang Tranquita Resort. Una nga pangindian ni Adrian ang pitch proposa ni Mich. Pero wala magampo ang dalaga. Ginpadayon niya ang pagpangusisa sang lugar. Sa pag-abot ni Mich sa isla, madamo sia sang natukiban lakip diri ang tunay nga pagkatao ni Adrian. Apang amat-amat nga naglapitay ang ila balatyagon nga nagdangop sa ila paghigugmaanay. Nahusay nila ang misteryo sa parola nga masami ara sa dalamghanon ni Mich.

Natungod naman kay Barbie Imperial, biggest break niya ining mangin leading lady sa “Araw Gabi.” Sia ang ginkuha sa madamo nga nagpa-audition para sa “Araw Gabi”. Si Barbie nga 19 ka tuig ang edad kag taga-Legazpi, Albay, una nga nakita sa Pinoy Big Brother 737 hosemate. Siling ni Barbie, dream gid niya nga mangin madinalag-on sa iya showbiz career gani pokus gid sia sa iya trabaho bilang artista. Handa naman sia magpa-sexy kon kinahanglan sa serye nga ini, basta lang may limitasyon naman, kag indi bastos ang resulta. Siling ni Barbie, madugay naman sia naghulat nga mahatagan sang big break pareho sini, para sa iya pamilya kag sa kaugalingon.

Ini ginkuhaan sa Lobo, Batangas, diin ginapabugal diri ang baybayon nga matinlo kag wala pa masyado nga napierde sang commercialization.

Nalakip man sa cast sang “Araw Gabi” sanday Vina Morales, Rita Avila kag Ara Mina, raymund Bagatsing, RK Bagatsing, Jane Oineza, kag Arlene Muhlach.

Newspapers in Tagalog

Newspapers from Philippines

© PressReader. All rights reserved.