JULIA BARRETTO JOSHUA GARCIA

Hiligaynon - - Cover Story -

GILAYON nga nangin hit ang bag-o nga teleserye nanday Julia Barretto kag Joshua Garcia nga Ngayon at Kailanman. Sa pilot week pa lang nga nagsugod sang Agusto 20, daog gilayon sa rating game ang serye, nagapamatuod lang ini nga masarangan na nanday Julia kag Joshua ang magdala sang kaugalingon nga teleserye.

Matahom abi ang estorya sang Ngayon at Kailanman kag maayo magdala ang mga bata nga naggua. Luas nga maayo magdala sang ila mga papel, may mga itsura pa ang mga child actor sa serye. Pareho nanday Sophia Reola nga nagtungod bilang bata nga si Julia, si Nezzar Piti-Ilan bilang bata nga si Jameson Blake, kag Andrez del Rosario bilang bata nga si Joshua.

Ini ang una nga teleserye sang JoshLia. Wala gilayon sila ginpartner, una nga nagbida si Joshua sa The Good Son samtang support naman si Julia sa A Love To Last, nga ginbidahan nanday Bea Alonzo, Iza Calzado, kag Ian Veneracion. Duha ka beses na nga magkatrabaho sanday Julia kag Iza, bangod sa A Love To Last mag-iloy ang role nila.

Matahom ang paghimo sang serye sanglit madasig ang pacing, sa ikatlo nga adlaw dalagku na sanday Joshua kag Julia kag nagkita na sila nga duha. Gani amo na lang ang kalipay sang ila mga fans sang magkita na ang duha. Madamo ang nalingaw sa eksena nanday Joshua kag Karen de los Reyes nga ginpunggan niya nga magpakamatay tungod gintunto ini sang iya magulang nga si Jameson.

Makalilingaw ang Ngayon at Kailanman sanglit matahom ang estorya sining una nga serye nanday Julia kag Jushua. Matanaw ini gab-i-gab-i matapos ang nagapanguna gihapon nga FPJ’s

GILAYON NGA HIT ANG BAG-O NILA NGA TELESERYE

Ang Probinsyano. Matahom gid man ang timing sining una nga serye nanday Julia kag Jushua, gani gilayon nga nagklik sa televiewers. Madumdoman nga sa mga sabat ni Julia Barretto sa prescon sang ila movie sadto nga Love You To the Stars and Back, masatuman gid nga may pagpasulabi man sia sa iya ka-loveteam nga si Joshua Garcia. Bisan nga ginpabutyag ni Julia nga pokus gihapon sia sa iya obra bilang artista, pero nangin importante na kuno nga tawo sa iya kabuhi si Jushua, kag indi malayu nga maghangpanay sila.

Siling naman ni Jushua, nagsugod kuno ang kaluyag niya kay Julia sang himuon nila ang box-office hit nga Vince Kath and James. Sa umpisa kuno crush lang ang nabatyagan niya sa dalaga. Pero pagsulod kuno sang tuig 2017, diri na kag nagpabatyag sia sa dalaga, bisan nga indi pa maathag para sa iya kon ano ang mangin sabat sang dalaga, bisan nga nakita naman sang tanan kag ginaaku naman ni Julia nga important person sa karon si Josh sa iya. Nangin maayo naman kuno ang ila pag-updanay kag kilala na nila sing lubos ang tagsa-tagsa gani daw wala naman sang problema kon mangin seryoso sila sa ila relasyon. Dugang pa ni Josh, indi madula kuno ang kahangawa sa iya basi kuno ma-reject lang sia ni Julia, bisan nag-aku naman si Julia nga mamag-an ang buot sini sa iya.

Apang ginpabutyag man sang duha nga pokus anay sila sa ila trabaho bilang artista. Total, mga lamharon pa man sila. Kag madamo pa nga mga bagay ang luyag nila nga himuon sa ila kabuhi. Love can wait, siling gani.—O

Newspapers in Tagalog

Newspapers from Philippines

© PressReader. All rights reserved.