OooOOOooo

Hiligaynon - - Showbiz Tsika -

SUNOD-SUNOD ang mga projects ni Liza Soberano sa ABSCBN. Bisan nga may role pa sa Bagani nga natapos naman, masaku naman ang training kag shooting ni Liza sa Darna. Ini ang biggest project sang Star Cinema. Kon mahimo ini nga world class sang beterano nga direktor nga si Erick Matti, pwede nga may international release. Si Liza ang aton inogbatu sa international market kon matun-an sing maayo ang marketing sang Darna.

Natalupangdan naman naton nga indi lang sa Pilipinas ginadayaw ang beauty ni Liza. Bisan ang mga international celebs nagadayaw man sa katahom ni Liza. Madamo ang nabihag sang iya beauty.

Pero ginpahayag ni Liza sa presscon nga “I like it that when I’m not Liza, people call me Hope (ang tunay nga ngalan niya). Because it makes me feel that I’m still Hope and lose that sense of who I really am. Si Liza man ang nagpahayag nga insecure sia sa beauty niya. Gani labi sia nga gindayaw sa pagka-humble kag honest niya.

Samtang mabulagay anay sila sang iya kaloveteam nga si Enrique Gil pero liwat nga magaupdanay sa isa ka pelikula nga intended sa Valentine season next year.

Mga lima ka bulan na nga nagahanas si Liza Soberano sang martial arts para sa iya Darna role. Nagtuon sia sang juijitso kag taekwando. Pati na gani ang boksing.

Ginauna anay nga shotingan ang mga eksena ni Liza bilang si Narda. Luas sa fight scenes niya bilang Darna, ginahulat man ang costume niya. Pero wala pa sang iban nga detalye nahanungod sa pelikula nga si Erik Matti ang direktor, gani wait na lang sa announcement sang Star Cinema kon sin-o ang iban pa nga cast member nga makaupod ni Liza.

Samtang, madamo ang nalingaw sa mga patutsada ni Vice Ganda kay Liza sang mag-guest ini sa “Gandang Gabi Vice.” Ginpamangkot niya ang aktres kon may lalaki nga nakahalok na sa iya. Ginhutik lang ni Liza kay Vice kon sin-o. “I can (nga tunog Quen nga hayu ni Enrique Gil) not say. I can not tell,” words to that effect nga siling ni Vice. Smile na lang si Liza.

Paathag ni Liza, accidental kiss lang kuno ang natabu kag indi hungod kag wala sa eksena. Bag-o lang natapos ang “Bagani” gani gets gilayon ni Vice kon sin-o ang nakahalok kay Liza. Ikaw bala ina, Enrique?

Siling ni Liza, smack kiss lang naman sa lips. Siling pa niya, indi pa sila officially together ni Enrique. Kinahanglan pa kuno ang blessing sang iya lolo. ISA si Jasmine Curtis sa cast sang bag-o nga primetime teleserye sang GMa-7, ang Pamilya Roces. Tungdan niya diri ang karakter ni Pearl Roces. Sa amon pakot, ang karakter ni Jasmine ang isa sang mga anak ni Gloria Diaz kag utod nanday Carla Abellana, Shaira Diaz, Sophie Albert kag Gabbi Garcia. Una nga project ini ni Jasmine sa GMA-7 nga isa ka drama serye sa direksyon ni Joel Lamangan. Si Jasmine gid ang nag-request nga ilakip sia sa cast sang drama serye sanglit puro drama ang matabu diri sa Pamilya Roces. Sadto nangin kontrobersyal ang pagpirma ni Jasmine sang kontrata sa Kapuso Network sanglit ang laom sang mga fans nga sa Victor Magtanggol sia ilakip kag isa sa mga leading ladies ni Alden Richards. Gilayon ini nga ginpaathag ni Jasmine, kag matuod gid man gali ang iya ginpabutyag sadto. Samtang sa presscon, gin-aku ni Jasmine nga ginsiling niya sa iya utod nga si Anne Curtis nga nakaagi sia sang depresyon, kag ginbuligan naman sia sang iya magulang nga malagpasan niya ang stage nga ato. Sa isa ka endorsement niya sa isa ka brand sang shampoo, nakonek ni Jasmine ang depresyon nga gin-agihan. “In life, everyone has their own fair share of struggles may it be our self insecurities, career opportunities, differences in progress, life goal, so many more… What really got me to become #StrongerNow amidst all those things were my trust in myself and in the honest truth of life. You should never let anyone dictate who and what you are or could be. From being belittled and insecured about who I am, I’ve definitely become stronger and empowered in who I’m slowly becoming.” Pat-od nga daku man ang nabulig sang boyfriend niya nga si Jeff Ortega agod malagpasan niya ang nabatyagan depresyon.

Oktubre 3, 2018 • HILIGAYNON • 25

Newspapers in Tagalog

Newspapers from Philippines

© PressReader. All rights reserved.