SOFTDRINKS

Hiligaynon - - Nobela -

Naglutaw, suno kay Hemenway, ang ebidensya sang “dose response,” buot silingon, kon mas madamo ang nakunsomo nga soda, mas daku ang posiblidad nga manginbayolente sila.

Sa mga nagainom sang isa o sobra pa nga lata sa kada semana, 23 porsiyento ang nagdala sang pusil ukon kutsilyo; 15 porsiyento ang nanginmakahas sa ila nobya; kag 35 porsiyento ang nanginbayolente sa ila mga kaupdanan.

Sa pihak nga bahin, sa mga nag-inom sang 14 ka lata kada semana, 43 porsiyento ang nagdala sang pusil ukon kutsilyo; 27 porsiyento ang nanginmakahas sa ila nobya; kag sobra sa 58 porsiyento ang nanginbayolente sa ila mga kaupdanan.

Sa kabug-osan, ang mga kabataan nga madamo kon maginom sang sugary fizz ara sa siyam tubtob 15 porsiyento nga mas daku ang posibilidad nga magpakita sang agresibo nga pag-ugali kumparar sa mga diutay lang ang kunsomo, bisan nga basehan man ang ethnicity kag confounding factors.

Ang kabug-at sang epekto sini katulad sang natukiban sa nauna nga pagpanalawsaw, sa alak ukon sa sigarilyo.

“We don’t know why (there is this strong association). There may be some casual effect but it’s also certainly plausible that this is just a marker for other problems – that kids who are violent for whatever reason, they tend to drink more alcohol and they tend to maybe drink more soft drinks,” dugang ni Hemenway. “We want to look at it more carefully in following studies.” Ang pagtuon, ginbantala sa British journal nga Injury Prevention, liwat nga nagbuhi sa mga ginapasuni sang “Twinkle Defence,” isa ka legal landmark sa US nga nanginmadinalagon ang isa ka killer sa iya argument nga ang iya ginhimo naempluwensyahan sang pagkaon sang junk food.

Ang defendant sa kaso nga ini, si Dan White, ginkasuhan sang homicide. Nanginmadinalag-on ang iya abogado sa argument kag nagpadulong sa mas manubo nga kaso, sang voluntary manslaughter.

Pila ka mga pagtuon man sa iban nga pungsod ang nagtudlo sa kaangtanan sang mas mataas nga sugar consumption kag kakulangan sang social bonding ukon pagka-iritable kag sang anti-social behavior.

Gintumod man sang iban nga diet research ang kakulang sang micro-nutrients nga ginahalinan sang aggression ukon pagkamakahas, apang padayon pa ini nga ginatun-an.—O

Newspapers in Tagalog

Newspapers from Philippines

© PressReader. All rights reserved.