JASMINE CURTIS SMITH

Hiligaynon - - Cover Story -

SA exclusive contract ni Jasmine Curtis Smith sa GMA Network, ang dramedy nga Pamilya Roces ang una nga teleserye niya sa direksyon ni Direk Joel Lamangan. Tungdan niya diri ang role bilang si Pearl Pineda kag iloy niya si Lily Renacia nga ginatungdan naman ni Ana Roces. Si Pear Pineda isa ka maisog nga magulang ni Amethyst (Shaira Diaz), kag anak sang iya iloy sa iban nga lalaki, kag sila ang third family sang mga Roces.

Una nga project ini ni Jasmine sa GMA-7 nga isa ka drama serye. Si Jasmine gid ang nag-request nga ilakip sia sa cast sang drama serye sanglit puro drama ang matabu diri sa Pamilya Roces.

Sadto nangin kontrobersyal ang pagpirma ni Jasmine sang kontrata sa Kapuso Network sanglit ang laom sang mga fans nga sa Victor Magtanggol sia ilakip kag isa sa mga leading ladies ni Alden Richards. Gilayon ini nga ginpaathag ni Jasmine, kag matuod gid man gali ang iya ginpabutyag sadto.

Samtang sa presscon, gin-aku ni Jasmine nga ginsiling niya sa iya utod nga si Anne Curtis nga nakaagi sia sang depresyon, kag ginbuligan naman sia sang iya magulang nga malagpasan niya ang stage nga ato. Sa isa ka endorsement niya sa isa ka brand sang shampoo, nakonek ni Jasmine ang depresyon nga gin-agihan.

“In life, everyone has their own fair share of struggles may it be our self insecurities, career opportunities, differences in progress, life goal, so many more…What really got me to become #StrongerNow amidst all those things were my trust in myself and in the honest truth of life. You should never let anyone dictate who and what you are or could be. From being belittled and insecured about who I am, I’ve definitely become stronger and empowered in who I’m slowly becoming.” Pat-od nga daku man ang nabulig sang boyfriend niya nga si Jeff Ortega agod malagpasan niya ang nabatyagan depresyon. May namangkot kon ngaa wala sia makadayon sa pagsaylo sa ABS-CBN, sanglit basi kuno ikumparar sila sang iya Ate Anne Curtis. Siling ni Jasmine, mahimo nga isa ina ka rason, pero gindun-an naman niya nga indi sila magkapareho sang iya Ate Anne. Ginapabugal niya ang iya Ate Anne bilang artista kag labi nga may charm ini sangsa iya. Abot sini ang masa, madali ini nga makaengganyo sang mga tao. Pinili niya ang GMA sanglit daw nabatyagan niya nga mas bagay sia diri, ang mga challenges masarangan niya nga lagpasan. Isa pa, naka-guest na sia sa pila ka shows sang GMA. Napamangkot si Jasmine kon wala bala sia mahisa sa iya Ate Anne nga may husband na, kag sa indi madugay, makaangkon na ini sang baby. Siling niya, three years na sila sang boyfriend niya pero, indi pa nila prioritize ang magpakasal. Luyag nila nga maka-travel pa. Pareho kuno sila nga mahuyogon sa pag-travel. Excited naman sia kon makaangkon na sang baby si Ate Anne niya. Happy naman si Jasmine sa bag-o niya nga teleserye sanglit makatrabaho niya liwat sanday Sophie Albert kag Shaira, nga nangin kaupod naman niya sa TV5. Ini naman ang una nga kahigayunan nga madirek si Jasmine ni Direk Joel Lamangan. Ginadayaw niya kuno si Direk Joel sanglit ginarespeto sini ang iya mga artista, gani kon oras sang trabaho, trabaho sila tanan. Kag pahuway naman kon break time. Masadya sila kuno sa set. Masadya sila nga kaupod ang mga beterano nga artista pareho nanday Gloria Diaz, Tita Elizabeth Oropesa, Ms. Snooky Serna, kag Ms Ana Roces. Subong man sa mga actor nga kaupod nila, pareho nanday Christian Bautista, Rocco Nacino kag ang bag-o nga kapuso actor nga si Manolo Pedroza. Madamo kuno sia sing natunan sa ila.—O

• EXCITED SA IYA ROLE SA PAMILYA ROCES •

Newspapers in Tagalog

Newspapers from Philippines

© PressReader. All rights reserved.