OooOOOooo

Hiligaynon - - Showbiz Tsika -

pelikula nga First Love. Siling ni Aga, dekalidad kuno ang pagtungod ni Bea. Sadto pa man ginapakot na ni Aga nga mangin isa ka maayo nga artista si Bea sadtong nagasugod pa lang ini sa showbiz. Kag sang nakilala na sing husto si Bea, amo kag nangin inactive na si Aga sa showbiz bangod priority na sini ang iya pamilya. Apang sadto pa man, napakot na ni Aga nga malayu ang maabot ni Bea sa showbiz.

Kag wala sia magsala, sanglit amat-amat nga nakilala si Bea sa kalibutan sang mga artista tubtob nga gintawag sia sang Star Cinema nga newest movie queen.

Tatlo ka production company ang nagbulolig agod mabug-os ang movie nga First Love. Ini ang Ten17P ni Paul Soriano, Viva Films kag Star Cinema. Sanday Direk Paul kag Aga ang nag-umpisa sa project nga ini nga naglab-ot sa isa ka tuig ang pagsulat sang script sini.

Nadugayan ang pagbug-os sang story sanglit nagalikaw si Aga sa paghimo sang ordinaryo nga pelikula. Off-beat ang role sa una nga storyline nga ginpabasa kag gin-offer ni Direk Paul kay Aga. Sa paliwat-liwat nga revision, nabug-os ang First Love nga bisan love story nga ginalikawan na niya nga himuon pero lain naman ang atake sini.

Sa estorya, daw may balatian ang karakter ni Bea. Pero indi man masyado nga maathag kon ano, may twist sanglit misteryoso man ukon may something man sa karakter ni Aga.

Daw gloomy ukon tear-jerker ang First Love. Ang matuod nga sa dubbing pa lang, nakahibi na si Aga. Siling niya, ini nga sahi sang pelikula ang luyag niya nga himuon. Siling ni Aga, luyag niya nga nabatyagan niya ang karakter kag tunay nga emosyon ang ihatag niya sa mga moviegoers.

Ano naman ang impression niya sa una nga pagtrabaho niya kay Bea? Nasiling kuno niya sa iya misis nga indi sia matingala kon maka-grandslam sang best actress awards si Bea sa pelikula nila nga ini. Isa si Aga Muhlach sa pila ka mga Pilipino actor nga bisan madamo naman nga tinuig nga nagpahuway na sa showbiz, apang wala gihapon naganubo ang popularidad sini. Wala sia ginbayai sang iya mga fans. Ginabilang na nga event sang mga moviegoers kon may bag-o sia nga pelikula. Sa pagkamatuod, nag-ani sang awards ang off-beat role niya sa Seven Sundays.

Amo man si Bea Alonzo, tanan nga pelikula nga nahimo ni Bea nangin big hit. Ang kabangdanan, nahatagan nila sang kabuhi ang bisan ordinaryo nga role. Excited si Sue Ramirez sang mahibal-an nga nalakip sia sa himuon nga pelikula sa Korea. Ini ang pelikula nga Sunshine Family nga produce sang Spring Films kag Film Line Pictures Productions nga movie outfit nanday Erickson Raymundo kag Piolo Pascual. Si Direk Joyce Bernal nga isa man sang producers kag creative consultant sang amo nga movie outfit amo ang naka nakakontak sang investor sa Japan. Base ang pelikula sa award-winning Japanese film nga Hit And Run, nga ginpagua sadtong 1992. Suno sa award-winning Korean direktor nga si Kim Tai Sik, sa Korea ang principal shoot sang Sunshine Family sa sulod sang 20 days. Nakilala si Direk Kim Tai Sik sa pelikula nga Driving with My Wife’s Lover, nga ginpagua sadtong 2007, kag naimbitahan sa 30 international film festivals. Mga Pinoy nga actor ang makaupod nila sa pelikula kag tanan nga makaupod nila mga Korean actors. Naglahog pa si Sue nga okey na sa iya nga mangin leading man si Kim Soo Hyun, nagakadlaw nga lahog ni Sue. Libre naman kuno ang magdalamguhanon. Sa Oktubre 31 na ang umpisa sang shooting nila sa Korea. May mga eksena man nga himuon diri sa Pilipinas, pero kalabanan sang mga eksena himuon sa Japan. Gani excited na sanday Sue Ramirez, Shaimaine Buencamino, Marco Masa kag Nonie Buencamino, sanglit sobra sa duha ka semana sila nga mapabilin sa Korea. Siling ni Sue, naluyagan niya ang Korean foods labi kon authentic. Kinahanglan man sila magbalon sang madamol nga mga jackets sanglit winter didto sa Korea kon Oktubre. Mabuot kag mainabyanon naman kuno ang mga tao didto. Excited si Sue sanglit luas nga maka-shopping sila didto, panahon na kuno nga matun-an nila ang Korean culture kag lenggwahe agod labi nga maka-reach out sila sa mga Koreano. Wala pa mahibal-i ni Sue kon ano ang matabu sa iya karakter sa FPJ’s Ang Probinsyano, sanglit madula sia sing 20 days. Nagpaalam na bala sia sa producers sang Ang probinsyano? Indi pa sure si Sue kon ano ang himuon sa karakter niya. Swerte nga matawag para kay Sue ang tuig nga ini nga 2018. Wala kag tuo ang iya mga projects. Gani daku ang iya pasalamat sa mga tao nga nagsalig sa iya.

Oktubre 17, 2018 • HILIGAYNON • 25

Newspapers in Tagalog

Newspapers from Philippines

© PressReader. All rights reserved.