OooOOOooo

Hiligaynon - - Showbiz Tsika -

general manager sang Fan Girl Asia, ang talent agency nga nagrekomendar kay Ejay para sa iya una nga international role, naluyagan sang mga nakatrabaho nga Koreano gikan sa FNC Entertainment, ang producer sang amo nga K drama, ang aktor. Bagay gid kuno kay Ejay Falcon ang amo nga role.

Natalupangdan man sang mga netizen ang pagtungod ni Ejay sanglit makatalandog sa tagipusuon ang pagkitaay ni Ejay kag Lauren sa airport. Ginpakita sang mga fans ang ila suporta kag positibo nga reaksyon sa mga clips sang episode nga nakapost sa Instagram sang aktor. Siling sang isa ka fans, “Grabe ang intense sini sir! Maayo ka gid mag-arte. Ang isa naman nagkumennto sang: “Kaayo ninyo mag-arte, super! Congratulations po, you deserved it.”

Blessing naman ang pagbilang ni Ejay sa amo nga kahigayunan nga ginhatag sa iya. “Achievement unlocked ini para sa akon. Nagapasalamat ako sa ABS-CBN kag sa tanan nga nagbulig agod matabu ini,” siling niya.

Luas sa madrama nga pagkitaay nila nga mag-asawa, napakita ni Ejay ang iya kaayo sa pag-arte sa iya fight scene kaupod ang Korean star nga si Lee Je Hoon.

MADUGAY gid man nga nadula si Andi Eigenmann sa showbiz, ayhan mga duha man ka tuig. Ulihi nga natan-aw si Andi sa Camp Sawi sang Viva Films sadtong 2016 nga gindirehe ni Irene Villamor.

Sa Siargao nagapuyo karon si Andi kag nagakadto lang sa Manila kon may shooting ukon teleserye nga himuon. Naluyagan niya didto kay peaceful kuno kag simple lang ang pangabuhi niya didto. Ang ila kuno pagkaon lab-as nga ginkuha sa dagat kag kada adlaw kuno sa dagat sia kag naga-surf. Nahuyogan niya karon ang surfing. Dala man niya ang iya anak nga si Ellie, pero karon nga nagaeskwela na ini, nagasulosaylo na lang ang bata sa iya kag sa daddy sini (Jake Ejercito). May condo naman sia sa Manila kag diri sila nagatener ni Ellie kon sa Manila sila.

Daku ang ginbag-o ni Andi karon. Wala ginakawad-i sang matam-is nga yuhom ang matahom niya nga nawong. Siling ni Andi, wala man niya matalupangdi ining pagbag-o sa iya, nga natalupangdan sang iban. Ayhan kuno kumportable na sia sa iya pangabuhi karon, labi na kay daw nahusay naman ang mga gumontang sa pangabuhi nga iya nasumalang sang una.

Sang pamangkuton kon ngaa sa Siargao ang iya napili nga puy-an sa karon. Siling niya, actually sa Baler sia nagsaylo, diin nakabakal sia sang iya property agod patindugan sang iya balay. Pero nahunahona niya nga sa Siargao, mahimo sia makapasad sang negosyo nga iya palangabuhian, gani didto sia nagatener sa karon. Wala pa sia makahibalo kon ibaligya na lang niya ang iya property sa Baler, depende kuno sa mangin sitwasyon niya sa Siargao, kon diin nakapasad sia sang isa ka resto nga Bed and Breakfast. Nahuyogan man niya ang sport nga surfing. Aynan bangod ang bag-o nga boyfriend niya sa karon isa ka professional surfer,

si Philmar Alipayo. Nakilala kuno ni Andi si Philmar sang nagligad pa nga tuig, at that time sila pa ni Emilio. Pero sang magbulagay na sila ni Emilio, nagkadebelopan kuno sila ni Philmar.

Sang kamustahon kon paano na ang relasyon nila ni Jake Ejercito nga amay sang iya anak nga si Ellie, nagayuhom niya nga sabat nga okay na sila. Nagpatawaray na sila pareho, sanglit mga bata pa sila kuno sadto nga indi malikawan ang magsayop sa pangabuhi. Karon nga pareho na sila nga matured, kon madumdoman nila ang natabu sang una, ginapaagi na lang nila sa yuhom. Makahuloya gid man kuno.

Karon, liwat nga nagabalik si Andi paagi sa isa ka bag-o nga movie nga may titulo nga “All Souls Night” nga produce sang Viva Films kag Aliud Entertainment. Isa ini ka horror-suspense thriller kag matan-aw na sa mga sinehan umpisa sa Oktubre 31.

Gikan sa imahinasyon ni Yam Laranas, ang estorya nahanungod sa isa ka dalaga nga si Shirley nga isa ka estudyante. Agod makasideline, ginsabat sini ang isa ka anunsyo sa diaryo diin may nagapangita sang isa ka kabulig sa sulod lang sang tatlo ka adlaw. Ang iya employer amo si Ellen, nga naghatag sa iya sang tatlo ka mga pagsulondan sa sulod sang balay: Una, kinahanglan pirme nakasirado ang ganhaan kag mga bintana; ikaduha, kinahanglan nga manirado sa sulod sang balay nga nakakandado; kag ikatlo, indi magsulod sa mga kwarto kon wala sang pirmeso. Wala madugayi, makatalanhaga kag makahaladlok ang nagakatabu sa sulod sang balay. Kinahanglan mahibal-an ni Shirley ang kabangdanan bag-o sia magbuang.

Ini co-directed ni Aloy Adlawan kag Jules Katanyag. Siling ni Andi, maluyagon sia sa horror kag suspense, kag naluyagan kuno niya ang iya karakter diri, nga tuhay sa mga natungdan na niya sa nagligad. Maisog kuno diri ang iya karakter kag may palahinandigan.

Sang pamangkuton si Andi kon ini na senyal sang pagbalik naman niya sa showbiz, depende kuno. Kon may maayo pa nga offer nga iya maluyagan, basi nga may kasunod pa ini. Kon wala naman, malipayon naman kuno sia sa iya malinong nga pangabuhi sa Baler kag Siargao.—O

Newspapers in Tagalog

Newspapers from Philippines

© PressReader. All rights reserved.