PIA WURTZBACH

Hiligaynon - - Cover Story -

HAPPY kag excited si 2015 Miss Universe nga si Pia Wurtzbach sang sia ang ginpili nga bag-o nga Calendar Girl sang Ginebra San Miguel. Extra special ang pagkuha sang kumpanya kay Pia sanglit gintuon ini para sa ila 185th anniversary sa 2019.

Gani, wala naman nagpabaya si Pia. Gilayon sia nag-work out sa gym sanglit sa pamatyag niya daw nagtambok sia. Nangayo sia sang tuman nga panahon agod manubalik ang iya Miss Universe figure. Ginkuntak niya ang iya trainor nga amo ang nag-trained sa iya para sa Miss Universe nga nakabase sa Australia. Ginhambal sang iyatrainor nga kinahanglan lang ang discipline. Gani, sa pamatyag ni Pia, mas labi nga nagtahom ang iya lawas subong sangsa magpasakop sia sa Miss Universe pagent. Siling niya, kinahanglan nga mapabilin niya ang matahom niya nga figure, indi lang bangod kinahanglan niya nga magprepare bilang Calendar Girl sang Ginebra San Miguel, kundi nga luyag niya ipadayon ang healthy living.

Duha ka bulan nga ginhandaan ni Pia ang mga pictorials para sa daring swimsuit poses, nga labi nga nagpalutaw sang iya perpekto nga bayhon. Siling ni Pia, nangin routine na niya karon ang pagbisita sa gym. “And while I’am in the process of preparing, I thought to myself that I look good, I feel good, parang I feel stronger. I feel better, like overall I feel good about this. Parang I don’t walt this to end bisan natapos na ang photo shoot.

Ginpabutyag man sang marketing manager sang San Miguel nga si Mr. Ron Molina, nga si Pia ang perfect calendar girl sanglit ginaangkon sini ang epitome sang ila produkto nga may bag-o nga slogan: “Dahil Pilipino ako, matapang ako, Ginebra ako!” Sa interview sang host nga si Rico Robles, gin-aku ni Pia nga bisan anad na sia sa pag-attend sa mga events, indi gihapon niya malikawan nga indi magbatyag sang nerbios. Sa iya pictorials bilang calendar girl, ini kuno ang first time nga nagsuot sia lliwat sang swimsuit, matapos nga magdaog sia sa Miss Universe Pageant. Thankful ,man si Pia nga sia ang nakuha nga Calendar Girl sang Ginebra San Miguel. Ginpaathag man ni Pia nga wala nagapamalabag ang Miss Universe Organization sa iya swimsuit pictorial bilang calendar girl. “I didn’t have to explain everything to them. What happened was they love the idea. Of course they have to pitch everything, like the pegs of photo shoot, and it came out really well. Ginpabutyag man ni Pia nga may ginahanda nga isa ka reality show ang ABS-CBN nga himuon niya. Samtang, dedma lang si Pia kon pamangkuton kon luyag pa niya nga makapareha si Gerald Anderson sa isa ka pelikula. Matandaan nga nag-upod na sila sa isaka pelikula nga “My Perfect You.” Naglapnag ang tsismis nga kuno nag-ayuhay ang duha samtang ginahimo ang pelikula sanglit nagbulag sanday Gerald kag ang girlfriend sini nga si Bea Alonzo. Gin-unfollow pa ni Bea sa social media ang beauty queen nga daan naman niya nga amiga. Nagbalikay na sanday Gerald kag Bea, pero daw wala man magbalik ang daan nga pagtamdanay nanday Bea kag Pia. Anong nangyari? Pamangkot sang madamo. Well, ang nabalita nga pagayuhay nanday Pia kag Gerald sadtong magkapareha sila sa ila pelikula, mahimo nga promotional lamang para sa ila pelikula. Amo gid ina sa showbiz, siling gani, ang magka-loveteam ukon magkapareha, ginahatagan sang issues agod labi nga dumogon sang mga moviegoers ang ila pelikula. Di ba?—O

BAG-O NGA CALENDAR GIRL SANG GINEBRA SAN MIGUEL

Newspapers in Tagalog

Newspapers from Philippines

© PressReader. All rights reserved.