OooOOOooo

Hiligaynon - - Showbiz Tsika -

NAGAKASUBO karon ang industriya sang showbiz bangod sa pagtaliwan sang nagaisahanon nga Total Entertainer kag OPM legend nga si Enrico de Jesus Puno, ukon mas kilala nga si Rico J. Puno sa edad nga 65.

Indi matakos ang kabantog ni Rico J. Puno sadtong dekada nga 70s kag 80s, sadto wala pa sang social media, pero masiling nga viral ang kada single ukon mga kanta ni Rico J indi lang sa mga siyudad kundi bisan pa sa malayu nga mga probinsya. Madamo ang natandog ang tagipusuon sa viral niya nga kanta nga Kapalaran.

Iban nga klase si Rico J. Puno sa iya mga palaguaon sa entablado, matuod gid man nga isa sia ka total performer. Maayo sia maglingaw sa mga tao, labi na ang iya mga green jokes, nga bisan may ara gid man nga naoffend, pero kalabanan baton man ini sang iya mga fans bilang kalingawan lang. No dull moments kon sia ang maatubang sa presscon. Natural lang sia makigsimpon sa iya isigkatao. Kon sia ang masugilanon mo, indi mahimo nga indi ka makakadlaw. Natural lang sia makig-atubang sa mga tao, labi na kon sa stage sia.

Suno kay John Estrada, nga nangin cohost ni Rico J sa defunct nga noontime show sang ABS-CBN nga Happy, Yipee, Yehey, wala kuno sang kaboses si Rico J. Kaupod nila sa amo nga show sanday Randy Santiago, Pokwang, kag Toni Gonzaga. Nag-ere lang sing isa ka tuig ang amo nga Kapamilya noontime show. Suno kay John, luas nga isa ka great singer si Rico J, isa man ini ka great comedian. Gani sa pagtalian sang Total Entertainer, pat-od nga mamiss sia sang tanan nga mga Pinoy..

Nadulaan sang isa ka maayo nga performer ang OPM, pero magapabilin sa tagipusuon sang tanan ang boses ni Rico J. Puno kag ang iya masinadyahon nga personalidad. INDI na mapunggan ang madasig nga pagsaka ni Kyline Alcantara sa Stardom. Ina bangod indi lang sia maayo mag’arte, isa man sia ka maayo nga singer. Karon, may temprano nga pamaskua ining multi-talented GMA Artist Center Star para sa iya mga fans. Nag-release na sia sang original holiday single sa idalom sang GMA Records nga may titulo nga Handa Na Ba Kayo? (Merry Christmas) kaupod ang Kapuso leading man nga si Jeric Gonzales. Suno kay Kyline, magahatag sang kasadya kag inspirasyon sa tanan ang kanta nga ini. “It’s all about how we Filipinos prepare for Christmas. Siling gani nila, kita nga mga Pinoy ang may pinakamalaba nga Paskua kag isa sang may pinakamasadya nga celebration, gani ginsaysay namon ini trough this song to add more joy and good vibes sa pagsaulog naton sang Paskua. Pwede kuno ini magamit nga pangkaroling ukon sa Christmas parties. Ang Handa Na Ba Kayo? (Merry Christmas) mahimo na mabatian kag ma-download sa Apple Music, iTunes, Spotify kag iban pa nga mga digital stores worldwide. Si Kyline lang ang bag-uhanon sa showbiz nga gilayon nakigkumpetensya sa mga beterano na nga mga artista. Sa bag-o lang matapos nga PMPC Stars Awards for TV, ginkilala ang iya kaayo sa pagarte paagi sa paghatag sa iya sang acting award bangod sa iya pagtungod sa Kambal Karibal.

Newspapers in Tagalog

Newspapers from Philippines

© PressReader. All rights reserved.