SHEREE

Hiligaynon - - Cover Story -

Multi-talented ang anay Viva Hot Babe nga si Sheree. Kilala sa iya sexy image, ang morena nga actress isa man ka singer, composer, DJ, pole dancer, kag painter.

“Painter ako, at the same time, naga-pole dancing man ako. Actually handom ko gid nga magkuha sang kurso nga Fine Arts, pero ang mommy ko, luyag nga mag-nurse ako ukon iban na lang nga kurso. Wala ko ma-pursue ina, gani ang ginhimo ko nagkuha ako sang teacher from UP nga masyado ka alam, si Art dela Cruz,” sambit sang akres nga last October 3, nag-exhibit sang iya mga painting sa Got Heart Gallery.

Nahinambitan man niya ang iya ginahimo karon. I-release na kuno niya ang iya single and music video. May mga painting exhibit man sia kag ang project nga himuon niya under sa iya management, ang Viva Artist Agency.

“Self-produced ko ining mga kanta, ang music produced ni Marcus Davis, isa sa pinaka-favorite kong’ producer,” dugang pa ni Sheree. “Ang lyrics naman ginsulat namon nga duha. May ara man ako nga ipagua nga music video nga self-produced ko. Luyag ko ipagua ang estorya sang song nga special sa akon.

“Madamo sang pagtulon-an ang song nga ini titled Lesson Learned, gani nga amo sina ang titulo, kag mahibal-an nila ang kasaysayan kon matan-aw na nila ang video nga ini. It depicts a part of my life kag kamo na ang bahala mag-interpret.”

Suno sa iya dream niya nga ipasakop sa mga festivals ang project nga ini nga sa direction ni Miggy Tantianco, choreographed by Donald Balbuena, kag sa bulig man sang promising star sang GMA-7 nga si Dave Bornea.

Nasaysay man ni Sheree kon paano sia nag-start nga mangin-DJ.

“Bangod nagapangita ako sang variety to my music, napinsar ko nga mag-mix sang songs sanglit nahuyogan ko ang EDM and Hiphop. Una, hampang-hampang lang, luyag ko manuto kag napinsar ko man agod mai-play ko ang songs ko nga may lakot nga iban nga mga international songs. Tapos hinali nga nagkaoffer ako nga mangin artist sa Core night club by Mr. Danny Dator once a month, so, gindayon ko na lang. Nagapasalamat naman ako sa instructor ko nga nakilala ko through Sam Pinto nga si Matthew Carbonell nga wala ako ginpabay-an kag padayon nga ginaubayan. Nagka-gig man ako sa mga music festival nga dalagku pareho sang TTKD and Mardigras. Gani sobra nga happy ako nga mangin successful naman ako sa bag-o ko nga passion.”

“Super enjoy ako sa pagka-DJ sanglit iban naman nga kalibutan ang pagka-DJ. Sa show nakaptan mo ang mga tao, nakontrol mo sila paagi sa touch, hearing, and emotions… Ikontrol mo sila paagi paagi sa beats, lain nga kalibutan kag iban nga challenge sila. Gani belib gid ako sa mga DJ’s.”

Gin-usisa man namon sia kon ano ang iya dream para sa career niya. “Luyag ko nga mangin isa ka international artist. Indi naman malain ang mag-dream sang big, indi bala? Dream ko nga mangin part sang mga Marvel film ukon mangin isa ka super hero, kon mahatagan lang sang opportunity.”

Suno pa kay Sheree, super idol niya si Lady Gaga kag super wish kag dream niya nga makatrabaho ini someday. “Si Lady Gaga, sia ang pinakapaborito ko nga artist. Naka-relate ako sa iya. Bangod matuod sia nga artist kag may kinaadman. Sang matan-aw ko ang story niya, naka-relate ako sa artistry niya. matuod nga artist sia by heart. Puso ang ginagamit niya kag subong man ako.

“Ang wish ko gid, kuntani malab-ot ko ang handom ko nga mangin international artist.”

Ten years from now, ano ang nakita ni Sheree sa iya kaugalingon? “International artist na. Makaupod kami sa project ni Lady Gaga. Indi malain ang maghandom, libre naman ini. Gani wala sang nagakontra, nagakadlaw nga hingapos ni Sheree.—O

Newspapers in Tagalog

Newspapers from Philippines

© PressReader. All rights reserved.