RHIAN RAMOS

Hiligaynon - - Cover Story -

A presscon sang pelikula nga nga ginabidahan ni Rhian Ramos kag JM de Guzman, ginpabutyag ni Rhian nga ayhan bangod wala sia kontrata sa GMA Network ang kabangdanan kon ngaa madamo ang naga-speculate nga masaylo sia sa ABS-CBN. Gin-deny naman ni Rhian ini nga tsismis.

Hungod gid man ni Rhian nga magpahuway anay sa pagtrabaho sa telebisyon sa sulod sang isa ka tuig na. Natalana sia nga magtener anay sing tatlo ka bulan sa New York (sakop ang Holiday Seasons) agod ipadayon ang pagbakasyon kag agod makatuon sa akting course, kag sa iya pagpauli luyag niya nga sa GMA-7 naman sia padayon nga magaobra. Health and sanity ang kabangdanan ni Rhian kon ngaa ginhungod niya nga magpahuway anay sa madamo nga trabaho.

“Well studied naman ina, indi bala, nga kon masobrahan ka sa trabaho, kag masami ka nga kapoy kag kulang sa tulog mas madali ka nga tamaan sang dementia. Malayu pa ang luyag ni Rhian nga maabot sa entertainment industry. Sa karon, co-producer sia sang TBA Productions sa Matahom ang pelikula nga ini. Matahon ang script kag matahom man ang chemistry nanday JM kag Rhian. Cool lang ang batuhan nila sang linya, labi pag-abot sa hambalanay sekswal nga ginpakita sa pelikula, nga nagapatalupangod nga daku nga bahin ang sex sa relasyon.

Sa estorya, sang Kung Paano Siya Nawala, nag-umpisa sa one night stand ang relasyon nila kag bangod compatible naman sila ginbutangan nila sang label nga “boyfriend kag Girlfriend.” Siling gani sang kadamuan sang mga millennials sa karon, indi na uso ang label-label, kon swak sila sa madamo nga bagay, ti “sila na.” Kon indi, pwede nga date-date lang.

Interesado si Rhian nga ipadayon ang pagka-producer niya kag nagapangita na sia sang bag-o nga script nga liwat magapukaw sa passion niya. Improvisational Comedy naman ang tun-an niya sa New York. “Before I joined showbiz, ang laom ko sa comedy ako malinya, sanglit amo gid man sina ang dream ko. Pero nagkadto ako sa drama. Madugay ako nga naghulat nga makaangkon sang project nga malayu sa drama, pero wala sang nag-abot. Indi na sia makahulat gani nangin proactive sia sa dalagan sang career niya.

Madamo ang naglaom nga maguba ang career ni Rhian sa grabe nga kontrobersya nga nag-abot sa iya nga kahimuan sang iban nga tao. Pero nagsala sila. Maisog sa pag-atubang sa pangabuhi si Rhian nga wala nagaampo sa mga pagtilaw kag hangkat. Kag nanuto man sia nga mangabuhi sing malinong. Ang isa ka tsismis tuhoy kay Rhian nga kuno may “something” sila sang close friend nga si Bianca King. Masiling nga nag-umpisa ang tsismis bangod man sa duha. Masami sila abi mag-post sa social media sang letrato nila nga magkaupod. Okay man lang ini kuntani, pero ang pila sang mga laragway nga ini masyado kuno ka intimate. Gani madamo ang nagapamangkot. May romantic relationship bala ang duha?

Paathag ni Rhian, na-misunderstood lang sila bangod sa closeness nila ni Bianca. Kon mahal man niya si Bianca, ini as a friend lang, nothing more, nothing less. “But I think, sometimes kasi friendship is a lot more intimate than relationship. Because the thing that happens in your relationship, isugid mo man sa friend mo,” siling ni Rhian.

Sang pamangkuton kon possible nga magkaluyag sia sa isa ka babae, maduon nga indi ang sabat ni Rhian. Lalaki gihapon ang luyag niya. Siling niya, wala pa sia sang na-experience, wala pa kuno sia kaagi nga ginpangaluyagan sang isa ka lesbian.

Sadto kuno, nagasabat sia sa bashers, pero karon wala na niya ginasapak. Dedma na lang sia. Nahibal-an niya nga wala sia sing makuha diri kon sapakon niya. Nahibaluan naman niya nga parte na ini sa pangabuhi sang isa ka artista ukon celebrity.

Newspapers in Tagalog

Newspapers from Philippines

© PressReader. All rights reserved.