BAGONG HIV LAW NAKAKASA NA

Inquirer Libre - - FRONT PAGE - -Leifbilly Begas

LALAGDAAN ni Pangulong Duterte ang bagong batas upang malimitahan, kung di man tuluyang masugpo ang pagdami ng HIV-AIDS sa bansa.

Ayon kay House Majority Leader Rolando Andaya Jr., ang Philippine HIV and AIDS Policy Act, ang papalit sa Philippine National AIDS and Control Act of 1998 (RA 8504).

“RA 8504 serves as the national legal framework in the country’s fight against AIDS and we need to make it more responsive considering the advances in HIV research and policy,” ani Andaya.

“This is an urgent task and we need to act fast. Time is not on our side.”

Niratipika ng Kongreso ang panukala noong Oktubre 10 at kinakailangan na lang ang lagda ng pangulo at nang maisaayos na ang Implementing Rules and Regulation bago tuluyang maiimplement ito.

Ayon sa Philippine National AIDS Council, ang Pilipinas ang isa sa mga bansa na pinakamabilis ang pagkalat ng nabanggit na nakamamatay na sakit.

Mula Hunyo 1984 hanggang Hulyo 2018, umabot na sa 57,134 ang kaso ng HIV-AIDS ang naitala sa bansa.

Sa ilalim ng isinusulong na batas, palalakasin ang program ang DOH laban sa HIV-AIDS at maglalatag ng mga estratehiya upang mapigilan ang pagkalat nito.

Ang mga nahawa ay tutulungang makapagpagamot at mabigyan ng libreng gamot.

Newspapers in Tagalog

Newspapers from Philippines

© PressReader. All rights reserved.