Balik-Tanaw Sa Kasaysayan
Boy A. Silverio
SA halalang pampanguluhan ng taong 1965, muling kumandidato si Pangulong Diosdado Macapagal. Subalit, higit na pinili ng taong-bayan ang kanyang katunggali, si Pangulong Ferdinand E. Marcos ng Senado.
Ang unang kabiyak ng puso ni Pangulong Macapagal ay si Purita de la Rosa. Nang ito’y mamatay, si Pangulong Macapagal ay muling nag-asawa. Ang kanyang naging pangalawang maybahay ay si Evangeline Macaraeg. Apat ang kanilang naging supling, sina Arturo, Maria Cielo, Gloria at Diosdado.
NOONG Hunyo 10,1988 pinirmahan para maging batas ni Presidente Corazon C. Aquino ang Republic Act No. 6657 o mas kilala bilang Comprehensive Agrarian Reform Program (CARP) upang itaguyod at tiyakin ang kapakanan ng mga magsasaka na walang sariling lupa at mga manggagawa sa sakahan, pati na rin ang katarungang panlipunan at pagkakapantay-pantay sa pagitan ng mga tao sa mga lugar sa kanayunan.
NOON namang Disyembre 28, 1896, sa udyok ng mga paring Kastila, pinagtibay ni Governor-General Camilio de Polavieja (1838-1914) ng pamahalaang kolonya ng Espanya sa Pilipinas ang hatol na kamatayan kay Gat Jose Rizal. Siya ay binaril noong ika-30 ng Disyembre, taong 1896 sa Bagumbayan (Ang Bagumbayan ay kilala ngayon bilang Luneta o Rizal Park).
SI Efren “Bata” Reyes ng Maynila ay naging numero sa mundo bilang manlalaro ng bilyar noong 1995… Ang Philippine Basketball Association ang una sa Asya at pumapangalawa lamang sa NBA sa pinakamatagal na liga sa basketball. At si Maria Teresa Calderon ang Filipina world champion sa pabilisang magsalita na nakalista sa Guiness Book of World Records.