Balik-Tanaw Sa Kasaysayan
N
ADAKIP noong Marso 23, 113 taon na ang nakaraan, nasukol ng mga sundalong Amerikano si Gen. Emilio Aguinaldo habang natutulog sa pinagtataguang kuta sa Palanan, Isabela.
Sa pagkakadakip kay Aguinaldo sa tulong ng mga katutubo sa Macabebe, Pampanga, agad pumalit si Gen. Miguel Malvar bilang pansamantalang pangulo ng bansa hanggang sa sumuko ito noong 1902.
S
ALUNGAT sa hinuha ng ilang Pilipino, hindi si Andres Bonifacio ang naging kauna-unahang Supremo ng Katipunan. Ang unang pangulo ay si Deodato Arellano noong 1892. Siya’y pinalitan ni Roman Basa nang sumunod na taon. Pinili ni Bonifacio na maging comptroller at piskal ng Katipunan, sa unang dalawang Supremo Councils nito. Noon lamang taong 1895 nang ipasya ni Bonifacio na siya ang pinakamahusay para maging Supremo.
A
NG pangalang Dakak ay nangangahulugan ng “maraming punongkahoy” sa wikang Cebuano. Ang pook-liwaliwan sa Dakak ay tunay na kinaroroonan ng maraming punongkahoy. Binuksan ito sa madla noong Agosto 1989. Halos nalililiman ng mga halaman ang buong pook.
A
NG Palawan ang pinakamalaking probinsiya sa buong Pilipinas batay sa sukat ng land area nito na may 14,896.3 km. Paraguan ang dating pangalan nito noong 1905. Ang Batanes naman ang pinakamaliit na lalawigan sa Pilipinas batay sa land area nito (209.3 km.) at bilang ng populasyon *16,467) ayon sa 2000 census. S A lalawigan ng Bohol nilagdaan ang marahil ang kauna-unahang peace treaty ng Pilipinas sa ibang bansa sa pamamagitan ng makasaysayang blood compact nina Rajah Sikatuna at Miguel Lopez de Legazpi noong 1565.
Ngunit dito rin naganap ang dalawang makasaysayang pag-aaklas laban sa mga Kastila – ang Revolt of Tamblot noong 1621 hanggang 1622 at ang Dagohoy Rebellion noong 1744 hanggang 1829 na nagresulta sa 85 taong kalayaan ng Bohol mula sa mga Kastila. Pinakamahabang pag-aaklas ng mga Filipino na naitala sa kasaysayan ng bansa ang Dagohoy Rebellion.