Empowered Woman
MULA sa isang babae na laging abala sa pagpapa-sexy, naging isang magaling na abogada si Elle Woods, karakter na ginampanan ni Reese Witherspoon sa pelikulang “Legally
Blonde”.
Sa hirap sa law school, at dahil hindi naman sanay si Elle sa pagbabasa at sa intelligent discussions, naisip na rin niya na sumuko, pero hindi niya ginawa. Sa halip, ang party goer, fun-loving, anak-mayaman, maganda at sexy na si Elle, ay nagpilit na disiplinahin ang sarili niya sa pag-aaral at pagbabasa.
Nakagugulat at nakaaaliw, ang kaalaman pa ni Elle sa pagkukulot ng buhok, kasama ng lohika, common sense, at lakas ng loob ang naging daan para maipagtanggol niya ang isang akusado at mahuli ang totoong kriminal sa sarili niyang dila. Hindi porke’t maganda at sexy ay wala nang ibang puwedeng patunayan. Kahit ang kanyang sariling mga magulang ay nagulat at hindi supportive noong sinabi niya ang tungkol sa pagpasok sa law school. Elle pushed herself to become the woman that she wanted.
Kung minsan ba ay nawawalan ka na ng gana at pinanghihinaan ng loob dahil walang suporta galing sa mga malalapit sa iyo? Tandaan, ang umaayaw ay laging talo. Ano ba ang nasa kaibuturan ng puso mo? Minsan, kailangan mo lamang mag-focus sa kung ano ang dapat mong gawin.
Maaaring si Elle Woods ay isa lamang fictional character, pero maraming tao sa tunay na buhay ang kagaya niya na sinikap mas maging produktibo at empowered. Kung mayroon kang mga anak, sinusuportahan mo ba ang mga pangarap nila?
Kailangan natin ng maraming magulang, edukador, at namumuno na hahayaan ang mga kababaihan at mga batang babae na maging mayabong at bibigyan sila ng mga oportunidad. We also need more films that encourage women to “do more, be more, and achieve more”. Ang mga kababaihan ay nagpapakahusay at sinisikap na magkaroon ng mas makahulugang buhay hindi para makipagkumpetensiya sa mga kalalakihan, kundi para maging kanilang kasama o ka-partner sa pag-unlad.
Isang pagpupugay sa mga taong hinahayaang maging mas mahusay, mas mainam, at mas makahulugan ang pamumuhay ng mga kababaihan! Happy International Women’s Month!
Ang mga kababaihan ay nagpapakahusay at sinisikap na magkaroon ng mas makahulugang buhay hindi para makipagkumpetensiya sa mga kalalakihan, kundi para maging kanilang kasama o ka-partner sa pag-unlad.