Magluto Tayo
Mareng Lena
NARITO ang mga lutuing madaling gawin at simple ang mga sangkap. Ngunit maidudulot din sa mga taong wika nga’y nakakaangat sa buhay at mahirap malimutan ang sarap.
GINATAANG MUNGGO
MGA SANGKAP:
1 puswelong lutong munggo
3 butil na bawang, pitpitin
1 sibuyas, hiwain nang pahaba, maninipis
1 puswelong dahon ng malunggay
1 sachet ng gata mix
1 puswelong hipon, karaniwang laki, gupitin ang balbas at mga paa Asin at pampasarap mix ayon sa panlasa
PARAAN NG PAGLULUTO:
IGISA sa bawang, luya, sibuyas at hipon ang munggo. Ibuhos dito ang gata mix na nilusaw sa isang puswelong tubig. Pakuluin habang hinahalu-halo. Bago ilahok ang mga dahon ng malunggay. Timplahan ng asin at pampasarap mix.
GINATAANG TILAPIA
MGA SANGKAP:
1 kilong tilapia, ayon sa ninanais na laki, kaliskisan at linisin 1 puswelong nilusaw na gata mix
1 kutsarang katas ng kalamansi
2 kutsarang toyo
½ puswelong mantika
2 hilaw na saging na saba, balatan at hiwain nang diagonal
1 sibuyas, hiwain nang maninipis
2 siling pansigang
1 kutsaritang asukal Asin, paminta at pampasarap mix, ayon sa panlasa PARAAN NG PAGLULUTO:
IBABAD
sa toyo at katas ng kalamansi ang mga tilapia. Makalipas ang kalahating oras, patiktikin. Iprito nang malasado at itabi muna.
Pakuluin ang gata nang kalahok ang sibuyas, hiniwa-hiwang saging. Timplahan ng asin, asukal, paminta at pampasarap mix.
*Ang kinudkod na niyog na natanggal sa refrigerator ay maligamgam na tubig ang ipanggata. Upang higit na natural na katas (gata) ng niyog.
*Patuloy na halu-haluin ang pinapakuluang gata upang hindi magbuu-buo.
Tara nang kumain!