Balik-Tanaw Sa Kasaysayan
NOONG ikalawang digmaang pandaigdig, isa si Jose P. Garcia Laurel sa mataas na opisyal ng pamahalaan na nagpaiwan sa Manila. Iniluklok siya ng mga Hapones sa mataas na posisyon sa tatlong taon ng pananakop ng mga ito.
Nagustuhan din siya ng mga Hapones dahil si Laurel lamang ang Pilipinong may honorary degree mula sa Tokyo Imperial University. Noong 1943, ginawa siyang pangulo ng Pilipinas.
Pagkaraan ng digmaan, si Laurel ay pinaratangan na kolaboreytor ngunit hindi siya nilitis ng mga hukuman dahil sa amnestiyang iginawad noong Abril 1948. Nahalal siyang senador noong 1951.
ISANG Tsinoy si Roman Ongpin na kilala sa kanyang katapatan sa bayan. Sinasabing nagsimula ang kanyang nasyonalismo sa pagbabasa ng mga nobela ni Jose Rizal. Ayon sa ilan, noong panahon na mahirap maglabas ng bandila ng Pilipinas, inilahad pa rin niya ang watawat tuwing anibersaryo ng pagkamatay ni Dr. Jose Rizal. Sinuportahan din ni Ongpin ang mga paniniwala ni Andres Bonifacio ng Katipunan sa pamamagitan ng pagbibigay ng pondo, pagkain, armas atbp. Nang umalis ang mga Kastila at dumating ang mga Amerikano, patuloy na tinulungan ni Ongpin ang rebulusyonaryong pamahalaan ni Emilio Aguinaldo na
ipinakulong niya.
Noong 1912, ilang buwan matapos mamatay sa sakit sa puso si Ongpin, ipinangalan sa kanya ang dating calle sacristia sa Binondo dahil sa kanyang patriyotismo.
ANG Rizal Park o Luneta Park, dating kilala sa tawag na Bagumbayan ay itinuring na premiere park o pasyalan dito sa ating bansa. May kabuuang 60 ektaryang lupain ang sakop ng parke at kitang-kita rito ang kabuuan ng Manila Bay.
Makikita sa Rizal Park ay ang naggagandahang halaman, palaruan, historical marker, plaza, ang 1913 monumento ni Dr. Jose Rizal na gawa sa bonze, grand stadium, obserbatory, open air na concert hall, santuwaryo, mga fountain, kainan at mga marami pang iba.
Ang 31 metrong Philippine flagpole sa Rizal Park ay tinatawag na kilometro zero dahil dito tinutukoy ang distansiya ng mga bayan at lungsod sa bansa.
Sa monumento ni Rizal naman isinasagawa ng mga bumibisitang lider ng iba’t ibang bansa ang pag-aalay ng bulaklak bilang bahagi ng kanilang paggalang sa pambansang bayani ng Pilipinas.
UPANG malinlang ang awtoridad ng Kastila, unang ipinalabas ang “Kalayaan” na umano ito’y iniimprenta sa Yokohama, Japan, at ang patnugot nito ay si Marcelo H. Del Pilar. Sa katotohanan, ang pahayagan ay sa Maynila iniimprenta at ang patnugot nito ay si Emilio Jacinto. Ito rin ang opisyal na pahayagan ng Katipunero.