Balik-Tanaw Sa Kasaysayan
TAONG 1950 ‘s nang ipalabas ang isang pelikula na may bersiyong pang-Hollywood na pinagbidahan ng isang Pinoy actor na gumamit ng pangalang “Ramon del Gado” Kilala ba ninyo kung sino siya na naging politiko rin?
Ang Hollywood version ng pelikulang ”Sword of the Avenger “ay pinagbidahan ni Ramon del Gado na mas kilala sa Pilipinas bilang si Rogelio dela Rosa.
Ang nasabing pelikula na kinunan mismo sa America ay ginastusan at idinerek ng Amerikanong si Sydney Salkow. Naging leading lady ni Dela Rosa sa bersiyon na ito ang noo’y sikat na Hollywood actress na si Sigrid Gurie.
Ang Pinoy version ng pelikula ay may tinutulong “Ang Vengador”, na ang leading lady niya ay ang nagsisimula pa lamang noon na si Pacita Francisco.
SA simula ng kanyang career, kinamuhian ni Nonito Donaire ang boxing dahil sa matinding pressure. Hindi niya nagustuhan ang boxing at halos isumpa niya ito. Pero ipinagpatuloy niya ang boxing dahil ayaw niyang ma-disappoint ang kanyang ama. Hanggang sa palagi na siyang lumalaban
para sa mga sumusuporta at naniniwala sa kanyang kakayahan at sa huli ay minahal at nagustuhan niya ang boxing.
KAHIT nagsimula sa marangyang pamilya si Federico Isabelo Abaya, mas pinili niyang umanib sa rebolusyunaryong kilusan ni Andres Bonifacio at itinatag niya ang sangay ng Katipunan sa Candon , Ilocos Sur. Kasama rin ni Abaya sa pagbuo ng kilusan ang mga kaibigan na sina Fernand Guimalda, Pio Madarang, Toribio Abaya, Nazario Gray, at Francisco Guimalda.
Tulad ng pag-aklas ng grupo ni Bonifacio sa Maynila noong Agosto 1896 ng umano’y “biglaan ” dahil sa pagkakabisto ng mga Kastila sa kanilang kilusan, sinasabing “napaaga” rin ang pagkilos ng grupo ni Abaya laban sa mga mananakop noong Marso 1898 nang mabisto rin ang kanilang grupo.
KILALA n’yo ba kung sino ang bayani ng bansa na nilitis sa korte dahil sa kasong pagpaslang sa kanyang asawa bunga umano ng labis na panibugho? Sinasabing labis na selos ang nagtulak sa bayaning si Juan Luna para barilin ang kabiyak na si Maria de la Paz Pardo de Taveras sa kanilang tinitirahan sa Paris noong 1892.
Pinaghihinalaan umano ni Luna si Maria na may kalaguyo. Bukod sa kanyang maybahay, napaslang din ni Luna ang biyenan na babae at bayaw. Dinakip siya ng mga awtoridad at nilitis sa nabanggit na krimen.