Proyektong dawat sa katawhan
BEFORE anything else we would like to invite our readers to access everything that comes out in this paper even without buying a hard copy of any of its issues. This they can do by accessing the Mindanao Times
News On-line through our Face book Page.
The publisher and editors of this paper are utilizing the latest technology to bring news from the Davao Region, the entire Mindanao, and even from the whole country to all Filipinos, most especially
Davaoenos, who are in other parts of the world.
Yes, know about what is happening in your beloved Davao and Mindanao through this newspaper’s enhanced on-line edition through its Face book page. You would not even realize that you are far away from home for some time already.
******************
Oppsss! Sori, Sabado man diay ‘ron. Tu-o na gyud ko nga nagka-edad na kay nakalimot na man sa adlaw nga Binisaya diay ang akong lindog para karong adlawa. Kalimot sab ko nga gahapon sa buntag nag-abli ko sa akong e-mail aron susihon kon dunay mga mensahe alang sa ako-a. Dunay tulo ka mga “e-mail messages” usa ani gikan sa akong pag-umangkon nga si John Briann kon JB nga tu-a sa gawas sa Pinas nag OFW.
Sa akong huna-huna samtang wa pa nako nabasa ang iyang mensahe, iyang tuki-on ang mga isyu labot sa Dabaw ug Mindanao. Pero sukwahi sa akong gituho-an lahi ang iyang gituki. Inay mahitungod sa Dabaw ug Mindanao, ang isyu nga iyang gihisgutan sa e-mail mao ang gihimo nga pag “rehabilitate” sa Manila Bay nga sikat kaayo sa mga turista tungod sa kanindot sa talan-awon dinhi samtang magkasawop na ang adlaw. Lakbit lang ang mahitungod sa Dabaw.
Mao kini ang e-mail sa akong pag-umangkon: “Good day nimo diha ‘Kol Vic. Musta na? Walay kulba diha sa ato human sa dugo-on nga pagbomba sa katedral sa Jolo? Hinuon ‘Kol mora ug akong nakita nga sa gihimo nga ‘security measures’ nga gipahiluna sa kapolisan ug sa mga kasundalohan kami diri sa Saudi kampanti na nga dili basta-basta nga malutsan ang Dabaw sa mga teroristang grupo. Mao nga ‘Kol Vic mas nasentro ang akong huna-huna karon sa gipahiluna nga rehabilitasyon sa Manila Bay sa gobiyerno ni Presidente Rodrigo Duterte. Grabe man gud ang maayo nga reaksiyon sa katawhan sa inisyal nga resulta sa paglimpiyo sa maong bahiya. Kita kaayo ‘Kol Vic nga dako ang pagdawat sa katawhan sa maong proyekto. Sa dihang nakita ang baybayon nga halos wala nay basura ningdagsa ang libulibo ka mga tawo arong maglakawlakaw sa limpiyong balas, nag ‘selfie’. Gani daghan ang nangaligo bisan pa sa pasidaan sa gobiyerno.
“Mora ‘Kol Vic nga ang katawhan wa magduha-duha sa pagdawat sa proyekto subay sa ilang pag-ila sa mga naha-unang resulta sa rehabilitasyon. Sa akong panahom ‘Kol admitado ang katawhan nga gusto nila ang maong proyekto ug nga kini ilang paluyohan hangtud molampos ang kinatibuk-an sa katuyo-an ani. Gani gahapon ‘Kol Vic akong nakita ug nadungog sa balita sa telebisyon nga human mag-awhag ang gobiyerno ngadto sa mga dagkong negosyante nga motabang sa kalihukan sa rehabilitasyon, duha ka dagkong negosyante ug tag-iya ug mga korporasyon ang nagpresentar nga motabang. Sila mao si Ramon Ang ug Lucio Tan. Posible pud seguro ‘Kol nga duna pay daghan nga adunahan ug dagkong mga kompaniya nga taga Metro Manila ug sa ubang mga dakbayan nga nagpakabana sa kinaiyahan ang mogawas aron mopresentar sa ilang pagtabang sa maong proyekto. Kini ‘Kol dako nga timailhan nga suportado ang tinguha sa kagamhanan nga mabalik ang kanhi kahimtang sa Manila Bay -- bantugan nga atraksiyon sa mga turista gikan sulod ug gawas sa atong Pilipinas. Gani ‘Kol, sa dihang akong nakita ang mga hulagway sa nalimpiyo nga baybayon sa bahiya, nakurat ko kay dili kini mao ang dagway sa baybayon, labi na diha sa may ‘Baywalk Area’ sa Roxas Blvd. nga nakita nako kanhi. Kanidtong didto ko sa Manila ‘Kol nag ‘apply’ ug naghulat nga makagawas sa Pinas didto ko magsuroysuroy. Grabe ang hugaw sa maong baybayon.