Suspek, dakip matapos makipaghabulan sa pulis
Dakip ang isang lalake matapos ng isang oras na habulan nito sa pulisya Oktubre 11, 2018.
Kinilala ang suspek bilang si Enemyr Bungalso Fresnillo, kung saan ay nagkaroon ng komosyon sa pagitan ng pulis at ng suspek.
Ayon kay PO2 Ryan Cabaña, nag sasagawa ang kanilang ahensya nang isang surveillance sa kahabaan ng Bgy. San Miguel nang lumabas ang suspek sa isang painuman at pinagsisigawan si PO2 Cabaña.
“Nagulat nga po ako dahil lumapit sa amin itong si Fresnilo, at may sinasabi syang di namin sya kayang hulihin. Di lang po yun, ang dami nya pang sinasabi saamin,” saad ni PO2 Cabaña.
Nang lapitan ni Cabaña ang suspek ay doon na nagkaroon ng komosyon ang dalawa.
Maya maya pa ay sumakay ang suspek sa kanyang motorsiklo at nagpahabol sa mga pulis.
Nag simula ang habulan sa Bgy. San Miguel hangang Bgy San Manuel.
Ilang beses pa umanong nag paikot ikot at sinasalubong ng suspek ang mga pulis na humahabol sa kanya na tila ba sinasadya nitong magpahabol.
Hangang sa makorner na si fresnillo sa isang makitid na daan at nang wala ng matakbuhan ang suspek ay pumasok ito Dacanay Road at tumuloy sa compound ng simbahan at dito nagtago.
Kinailangan pang humingi ng tulong ng PNP sa ilang myembro ng simbahan para lamang mapalabas ito.
Nang makalabas na ang suspek, kinapkapan ito ni po2 cabaña ngunit habang nagsasagawa ng body search ay pasimple umanong tinapon ng suspek ang isang pakete ng marijuana sa masukal na bahagi ng daan.
Ngunit napansin agad ito ng isang sibilyan at pinagbigay alam sa pulisya.
Ang suspek ay kasama sa mga sinusubaybayan ng PNP dahil napagalaman ng pulisya na may niluluto umanong malaking transaksyon at ang mga kasama nito.
Samantalang, mahaharap sa kasong paglabag sa RA 9165 at unjust vexation si Fresnillo.