Roque: Full electrification ng Palawan kapalit ng Malampaya Funds
Tinalakay ng Energy Utilization Management Bureau (EUMB) ng Department of Energy (DOE) ang mga pamamaraan ng pagtitipid at tamang paggamit ng enerhiya sa kanilang tatlong araw na seminar na isinagawa sa lungsod ng Puerto Princesa.
Naging tampok sa programa ang pamamahala ng enerhiya ng kung saan inilatag ni Crizaldo Santos, science research specialist ll ng Energy Efficiency and Conservation Division (EECD) ng DOE ang implementing rules and regulations (IRR) nito.
Inilatag naman ni Marc Venson Chua, science research specialist ll ng EECD ang mga nilalaman ng programa ng pamahalaan para sa kahusayan at konserbasyon ng enerhiya.
Sa bahagi ng pamamahala sa demand side at power conservation para sa mga kabahayan at eskuwelahan, nagbahagi rin ang mga naatasang tagapagturo ng mga kaalaman sa ligtas na paggamit ng liquefied petroleum gas (LPG) at kung paano makakatipid ng gasolina, kaakibat ang tamang pagdadala o pagmamaneho ng sasakyan.
Ayon kay Punong Barangay Gerry Abad ng barangay Mandaragat, sa lungsod, malaking pakinabang ang mga tinalakay na usapin sa nasabing gawain, isa na dito ang ibinahaging ‘electrical safety tips’ sa mga tahanan sapagkat magagamit ang mga impormasyong ito sa kani-kaniyang pang-araw-araw na pamumuhay.
“Malaking tulong po sa amin ang natutunan naming mga impormasyon sa seminar na ito dahil iyong simpleng pag-apply ng mga tipid at safety tips pagdating sa enerhiya o sa kuryente, malaking kagaanan sa aming buwanang bayarin, ligtas pa sa sakuna ang aming pamilya,” ani Abad.
Ang seminar ay bahagi lamang ng mga estratehiya ng kagawaran sa kampanya nitong ‘E-Power Mo’ na nagsusulong at nagtataguyod ng mga tama at kapaki pakinabang na impormasyon tungkol sa enerhiya sa mga komunidad.
Ang gawain ay dinaluhan ng mga partisipante mula sa mga empleyado ng lokal na pamahalaan, mga kinatawan ng iba’t ibang ahensiya ng pamahalaan, mga estudyante at opisyales ng barangay. (LBD/PIAMIMAROPA-Palawan)