Resolusyon na nagbabago sa pangalan ng Personnel Selection Board at pagtatalaga ng karagdagan miyembro ipinasa sa regular na sesyon ng Junta Probinsyal

Ipinasa noong ika116 na regular na sesyon ng Sangguniang Panlalawigan ang Resolution No. 14069-18 na inakda ni Board Member Leoncio Ola na nagbabago sa pangalan ng Personnel Seclection Board sa Human Merit Promotion and Selection Board at paghirang ng karagdagang miyembro nito.

Nakasaad sa panukala na ayon sa Section 80 (b) ng Republic Act No. 7160 o mas kilala sa Local Government Code of 1991 iniuutos sa lahat ng Lokal na Pamahalaan ang pagtatag ng Personnel Selection Board para siyang makakatulong ng Local Chief Executive sa pagpili at paghirang ng mga bagong kawani kasama ang pagbibigay ng promosyon at sa pagbuo ng mga polisiya para sa kapakanan ng mga kawani.

Alinsunod pa sa 2017 Omnibus Rules on Appointment and other Human Resourse Actions (ORA-OHRA), na nirebisa noong Hulyo 2018 (Sec. 85), ang HRMPSB ay siyang tutulong sa appointing officer/authority sa pagpili ng hihiranging na kawani na naayon sa Agency Merit Selection Plan.

Ayon kay Board Member Ola at sa mungkahi ng Human Resource Development Office, upang higit na mapabilis at mapabuti ang serbisyo ng Personnel Selection Board kailangan dagdagan ang komposisyon ng miyembro. nito upang magkaroon ng alternatibo kapag wala ang mga regular na miyembro nang maiwasan ang pagkaaantala ng pagsasagawa ng proseso nito.

Ang Human Merit Promotion and Selection Board ng Pamahalaang Panlalawigan ay binubuo ng Local Chief Executive o kanyang representante, Vice Governor o representante kung ang bakanteng posisyon ay sa Sangguniang Panlalawigan, dalawang regular na kawani o representante na nasa rank and file para sa una at sa pangalawang lebel na tungkulin, Chairman ng Reorganization, Civil Service and Human Resource ng Sangguniang Panlalawigan o Vice Chairman bilang kahalili at ang Provincial Human Resource Management Department Head.(P.R)