Konstruksyon ng ‘TIP halfway house’ sa Palawan, tatapusin sa 2019

Hangad ng Civil Aviation Authority of the Philippines (CAAP) na matapos ang proyektong “halfway house” para sa mga biktima ng ‘trafficking in persons’ sa Hunyo 2019.w

Ito ang inanunsyo kamakailan ni Milma Sangkula, project officer ng Bantay Palawan Taskforce ng pamahalaang panlalawigan sa pagpupulong ng Provincial Inter-Agency Council

Against Trafficking (PIACAT)Violence Against Women and their Children (VAWC).

Itatayo ang proyekto sa lungsod ng Puerto Princesa na pinondohan ng CAAP ng halagang P30M mula sa kanilang supplemental budget.

“Three-storey building ito na donated ng CAAP, hopefully ngayong January ay for bidding na at matatapos ang construction by June 2019,” tinuran ni Sangkula.

Binigyang diin naman ni Provincial Legal Officer Teodoro Matta na mahalaga ang pagkakaroon ng halfway house sapagkat madalas aniya na punuan ang mga pansamantalang safe house para sa mga biktima ng TIP na naissalba ng mga awtoridad.

“Mas tiyak na safe ang mga TIP victims sapagkat doon na rin sa halfway house na ito gagawin ang ilang interventions ng mga concerned government agencies para sa kanilang kaso at pagpapanumbalik at hindi na sila magsisiksikan sa ating mga safe houses.,” ani pa ni Matta. (LBD/ PIAMIMAROPA-Palawan)