Suspek sa gang rape ng isang dalaga, nadakip ng pulisya
Arestado ang isang suspek sa limang lalake na sinasabing gumahasa sa isang 20 anyos na dalaga sa Barangay Dumarao, Roxas, noong ika-23 ng Oktubre. Kinilala itong si Pelbert Padilla na merong malalaking tattoo sa braso at likod na bahagi ng katawan. Sa pahayang ni PO2 Rose Fernandez, nang makita nila si Padilla, nagduda silang tila kasama ito sa limang suspek sa gang rape laban sa biktiman na itinago sa pangalan na alyas “Jenny.” Aniya, tila tumugma ang mga tattoo nito sa inilarawan ni Jennie na nasa katawan ng isa sa mga nagsamantala sa kanya. Agad nilang ipinatawag sa pulisya si Jenny kung saan bigla itong naiyak dahil sa pagkakakita kay Padilla sa isang line up. Positibo niyang itinuro ang suspek na isa sa mga nanghalay sa kanya. Hindi naman nakapagpigil si alyas “Rosalie,” ang ina ng biktima, at ang isang kapatid pa nito na paghahampasin at suntukin si Padilla dahil sa panghahalay. Dahil sa ilang araw na ang nakalipas nang mahuli ito noong November 16, napakawalan si Padilla matapos makapaglagak ng bail sa kasong illegal possession of deadly weapon. “Yong pagpiyansa ni Padilla doon po ito sa kaso niyang illegal possession of deadly weapon ‘yong sa nakuha sa kanyang kutsilyo. Yong sa gang rape naman ‘yong pino-proseso natin ngayon dahil sa lampas na nga sa araw para sa inquest proceeding, ipapasok natin ito sa regular filing at hihintayin natin na lumabas ang warrant of arrest,” pahayag naman ni SPO3 Emmanuel de Asis, ang chief investigator ng Puerto Princesa City Police Office (PPCPO). Hustiya ang hinihingi ni Jenny na naging biktima ng gang rape, ganoon din ng kanyang pamilya. Sa salaysay ni Jenny, sinabi niya na siya ay dinukot at pagkatapos ay halinhinang pinagsamantalahan ng limang kalalakihang hindi niya nakikilala noong October 23 sa isang liblib na lugar sa Barangay Dumarao sa bayan ng Roxas. Una silang humingi ng tulong sa Radyo Bandera para makalpit sa pulisya para sa agarang pagresolba sa kalunos-lunos na sinapit sinapit niya mula sa grupo ni Padilla. Sabi ng kanyang mga magulang sa imbestigador ng pulisya, inutusan lang nilang magbayad ng kontribusyon sa PhilHealth ang kanilang anak noong nasabing araw ng mga pasado alas diyes ng umaga. Mga ilang minuto lang ay nag-text na si Jenny at humihingi ng tulong sa kanyang tatay dahil sa may mga sumusunod na sa kanyang lalaki mula sa PhilHealth. Ayon sa kanyang nanay na si alyas “Rosalie,” noong tawagan na nila ang cell phone ng anak ay hindi na ito sumasagot. “Ang sabi niya, ‘May mga lalaking sumusunod sa akin.’ Nagtext siya ulit at ang sabi niya, ‘Papa, tulungan niyo ako. Natatakot ako, may mga lalaking sumusunod sa akin.’ Pagkatapos po nyon hindi na namin siya makontak,” pahayag ni Rosalie. Apat na araw ang lumipas, sabi ni Rosalie, bago nakauwi sa kanilang bahay ang biktima kung saan ikinuwento nito na siya ay naging biktima ng gang rape sa isang kubo na nasa liblib na lugar ng Dumarao. Sa follow-up investigation na isinagawa ng pulisya, itinuro ni Jenny ang lugar sa barangay kung saan ito dinala ng mga lalaki, at ikinuwento kung paano siya nakatakas sa mga ito. Sa dagdag kuwento ni Jenny, isinakay siya sa tricycle ng limang kalalakihan at dinala sa Roxas at ginahasa sa bahay kubo sa liblib na lugar na may palayan. Nawalan siya ng malay dahil may itinakip sa kanyang ilong na hindi niya nakayanan ang amoy. Habang binabalikan ng malay, nararamdaman niya na tila siya ay binubuhusan ng mga ito ng alak. Pero hindi siya bumangon dahil sa sobrang takot kaya nagkunwari pa rin na tulog at para maaninag kung ano’ng itsura ng mga lalaki. “May isang lalaki na humihimas sa tuhod ko at nagtatanong kung kelan kaya ako magigising kasi baka kung ano na raw ang nangyari sa akin. Pero ang duda ko, muli nila akong rereypin kung nagising ako,” pahayag niya. Sabi niya nagkaroon siya ng pagkakataon na makatakas matapos lumayo ang mga ito sa kubong pinagdalhan sa kanya para mag-inuman. Nagpagulong-gulong siya sa putikan sa pilapil para lamang makatakas sa limang suspek. “Dito po ako nagpagulong-gulong para matakasan sila kaya nga po ako maraming sugat kasi kahit matinik, tiniis ko na lang wag lang akong maabutan,” kuwento ni Jenny. Samantala, ilang araw matapos ang sinasabing gang rape, nahuli naman ng Anti-Crime Task Force (ACTF) ng city government ang isang lalaki na habang naglalakad at pagalagala ay madaling patalim. Kinilala itong si Pelbert Padilla na merong malalaking tattoo sa katawan braso at likod na bahagi ng katawan. Sa pahayang ni PO2 Rose Fernandez, nang makita nila ang mga tattoo nito, tila tumugma umano ito sa inilarawan ni Jennie na nasa katawan ng isa sa mga nagsamantala sa kanya. Agad nilang ipinatawag sa pulisya si Jenny kung saan agad naman itong naiyak dahil sa pagkakakita kay Padilla sa isang line up. Positibo niyang itinuro ang suspek na isa sa mga nanghalay sa kanya. Hindi naman nakapagpigil si Rosalie at ang isang kapatid ni Jenny na paghahampasin at suntukin ito dahil sa sinapit ng biktima. Dahil sa ilang araw na ang nakalipas nang mangyari ang gang rape, napakawalan si Padilla matapos makapaglagak ng bail dahil sa kasong illegal possession of deadly weapon. “Yong pagpiyansa ni Padilla doon po ito sa kaso niyang illegal possession of deadly weapon ‘yong sa nakuha sa kanyang kutsilyo. Yong sa gang rape naman ‘yong pino-proseso natin ngayon dahil sa lamps na nga sa araw para sa inquest proceeding, ipapasok natin ito sa regular filing at hihintayin natin na lumabas ang warrant of arrest,” pahayag naman ni SPO3 Emmanuel de Asis, ang chief investigator ng Puerto Princesa City Police Office (PPCPO).