Kasipagan, pagpupunyagi, pagtitipid, at wastong pamamahala sa naimpok
r,
SABI nga nila, “Kung may tiyaga ay mayroong nilaga.” Ang tiyaga na tinutukoy sa nasabing salawikain ay nangangahulugang ang kasipagan ay nagbubunga ng maganda at masaganang ani. Ang kasipagan ay tumutukoy sa pagsisikap na gawin o tapusin ang isang gawain na mayroong kalidad. Ito ay ang matiyagang paggawa o puspusang pagsisikap at pagiging masigasig.
Malaking tulong ang pagkakaroon ng kasipagan, pagpupunyagi at pagtitipid sa paglinang ng mabubuting katangian ng isang tao katulad na lamang ng tiwala sa srili, pagkakaroon ng katapatan, disiplina sa sarili at pagkakaroon ng lakas ng loob na makihalubilo sa kapwa lalung- lalo na sa pamayanan na kanyang kinabibilangan. At higit sa lahat, ang mga nasabing katangian ay tumutulong sa isang
Teacher III, Congressman Ramon A. Arnaldo High School nilalang upang mapaunlad niya ang kanyang pagkatao at mapabuti niya ang kanyang pakikisalamuha sa kaniyang kapwa at upang maging isa siyang kapakina- pakinabang sa lipunan o sa kanyang bansa.
Mayroong ilang katangian na palatandaan na ang isang tao ay nagtataglay ng kasipagan, pagpupunyagi at may kakayahan sa wastong pamamahala ng naimpok. Ang taong masipag ay nagbibigay ng buong kakayahan sa paggawa. Sapagka’t siya ay masipag, sinisigurado niya na ang kaniyang ginagawa maayos at may magandang kalalabasan. Nauukol siya ng pagmamahal sa mga gawaing nakaatas sa kanya, ibinigay niya ang kanyang makakaya uvang maging matagumpay ang adhikain at higit sa lahat ang taong masipag ay hindi umiiwas sa anumang gawain.
Sa kabilang banda, masasabi na ang isang tao ay may katangian ng pagpupunyagi kung siya ay kayang harapin lahat ng pagsubok na ibinibigay sa kanya. Sa pagpupunyagi ay kinakailangan ng sakripisyo at mahabang pasensya. Ang isang tao na nagpupunyagi ay nakakaranas ng maraming karanasan katulad na lamang ng matinding pagod at makarining ng puna mula sa iba ngunit napagtatagumpayan niya ito sa kadahilanang may alab siya upang maabot ang kanyang mga mithiin. Ang pagpupunyagi ay pagtitiyaga na maaabot o makukuha ang iyong layunin o mithiin sa buhay. Ito ay may kalakip na pagtitiyaga, pagtitiis, kasipagan at determinasyon. At ang pagtanggap sa mga hamon o pagsubok ng may kahinahunan at hindi nagrereklamo.
KASIPAGAN/17