Ilang bagay tungkol sa wikang Filipino
ANG WIKANG Filipino ay isang napakaganda at nakakabighaning wika. Ito ay may sari-saring pinagmulan at patuloy na nadadagdagan ng mga bagong salita sa paglipas ng panahon.
Mahalaga ang wikang Filipino sapagkat ito ay bahagi ng kung ano tayo – ang pagiging Pilipino – kaya dapat nating matutunan ang iba’t-ibang bagay tungkol sa ating wika.
Mayroong kuneksyon ang Tagalog, ang isa sa mga basehan ng wikang Filipino, sa Bahasa Indonesia dahil sa pagpunta ng mga Indonesian dito sa ating bansa ilang libong taon na ang nakaraan.
Atdahil sap a ki ki p ag kala k al ann gm ga Filipino sa iba’t-ibang bansa katulad ng Tsina, nagkaroon ng impluwensya ang wikang Instik sa ating wika.
May ambag din ang kolonisasyon ng mga Espanyol sa ating wika dahil nagtagal sila dito ng higit sa tatlong daang taon.
Patuloy pa rin ang paglawak ng talasalitaan ng wikang Filpino dahil sa pagdagdag ng ilang salita mula sa mga diyalekto sa ating bansa katulad ng salitang napupungaw mula sa salitang Bikolano na ginagamit kapag ikaw ay may na- mimiss; padayon na mula sa Bisayang diyalekto na ibig sabihin ay pagpapatuloy; matayuyuon isang salita mula sa diyalektong Kinaray-a na pwedeng gamitn upang ipahayag na kayang panatilihin ang isang bagay.
Mayroon ding mga salitang hiram mula sa ibang bansa katulad ng tren (mula sa train), trapik ( mula sa traffic), at keyk ( mula sa cake). Ang mga naggamit na salitang hiram ay may klaster o kambal katinig.
Mula sa kambal, magpunta naman tayo sa tambalan -- mga tambalang salita. Ang mga tambalang salita ay ang kumbinasyon ng dalawang salita na iba ang kahulugan kapag pinaghiwalay ang mga ito at nagkakaroon ng iba pang kahulugan kapag ang dalawang salitang ito ay pinagsanib-puwersa. Ilan sa mga halimbawa ay taingang kawali na ibig sabihin ay nagbibingibingihan; sirang plaka na ibig sabihin ay paulit-ulit na sinasabi; at matapobre na ibig sabihin ay ‘yung tipong mababa ang paningin sa mga maralita.
Mayroon din na mga matalinghagang salita na ginagamit sa pagpapahayag ng damdamin gamit ang mga malalim na salita katulad ng hitk sa bunga na ibig sabihin ay biniyayaan; basang sisiw o kaawa-awa; at butas ang bulsa o walang pera. Ito ay makakadagdag ng emosyon sa anumang kwento sapagkat ito ay gumagamit ng malalim na pananalita.
May mga salita din na nagbabago ang kahulugan sa pagdiin ng tunog sa ibang pantig: ang labi ay maaring maging lips o katawan ng namatay na; ang dama ay maaring maging checkers or feel; ang pasa ay “a pass” o sugat, depende sa kung saang pantig ang bibigyan mo ng diin. Mas madaling ituro ang wastong gamit ng mga salita gamit ang context clues o ang pagbibigay ng detalye tungkol sa isang salita gamit ang natitirang salita sa pangungusap. Ilan lang ito sa mga bagay na matututunan ng ating mga estudyante sa asignaturang Filpino.
Kahit na I ngles ang ginagamit bilang panggunahing lenggwahe ng komunikasyon sa mga negosyo at opisina ng gobyerno, mayroon paring silbi ang wikang Filipino dahil ito ay ginagamit sa paghatid ng impormasyon at sa pakikipagusap sa mga iba ang diyalekto sa atin. ( Paid article)