Ang pagpapaigting ng asignaturang Filipino sa kabila ng pagnanais na maibasura ito

MARAMI ang hindi sumang –ayon sa kumailan lamang ng inalis nang Korte Suprema ang temporary restraining order (TRO) laban sa isang Commission on Higher Education (CHED) memorandum na nagtatanggal sa mga subject na Filipino at Panitikan sa core courses sa kolehiyo. Ito ay umani ng ibat’t-ibang pagbabatikos mula sa iba’t-ibang tao kagaya ng mga mag-aaral, guro at grupo ng tanggol wika.

Kung atin pang matatandaan noong taong 2015, pinagbigyan ng Korte Suprema ang grupo ng mga guro sa kanilang apela na huwag ituloy ang nais ng Commission on Higher Education na pagtanggal sa Filipino at panitikan sa kolehiyo. Naglabas noon ng TRO ang Korte Suprema para mapanatili ang Filipino at panitikan sa general curriculum sa kolehiyo kasama ang iba pang asignatura gaya ng math, science, technology, at Philippine history.

Ayon sa panayam kay Ginoong RR Cagalingan, tagapagsalita ng Komisyon ng Wikang Filipino ( KWF), hindi konstitusyonal ang naturang kautusan. Ang pagtangga ng Filipino raw ay isang paglabag sa Konstitusyon, sa Artikulo 14 Seksyon 6, ang wikang pambansa ay nasa Filipino, at dapat gamitin sa ano mang antas ng edukasyon sa Pilipinas. Kung tatanggalin mo siya hindi mo sinusunod ang espirito ng Konstitusyon. Ito ay isang halimbawa ng paglalapastangan sa ating batas.

Ayon sa mga sumusulong nito ay sapat na daw ang natutunan sa elementarya, junior high school at maging senior high para tuluyan ng tanggalin ito sa Kolehiyo. Ngunit sapat na nga ba ang natutunan natin sa mababang lebel para hindi na ito isulong sa Kolehiyo? Maigi naman itong tinutulang ng ilang guro dahil marami ang bagay na mataas

na antas ng diskurso na mas sa kolehiyo maaring matalakay. Kagaya ng mga isyu sa lipunan, research sa sariling wika, sa college ‘yun mas magagawa. Kaya napakahalaga ang pananatili ng dalawang asignaturang ito. Marami din ang mga gurong maapektuhan na kasalukuyang nagtuturo kapag ito ay naisulong.

Ayon sa grupong Tanggol Wika,maaaring maapektuhan ang maraming guro kapag nawala ang Filipino at panitikan sa kolehiyo. Sapagkat mawawalan na sila ng trabaho kung tuluyan na itong tatanggalin.

Sinasabing ang wika raw ay kaluluwa ng isang bansa. Mapalad tayong mga Filipino sapagkat mayroon tayong sariling pagkakakilanlan. Ito ay nagpapakita ng pagiging malayang bansa. Bago sana tayo magpakadalubhasa sa wika ng iba ay atin munang paghusayin at sanayin ang ating mga kabataan na maging bihasa sa ating sariling wika.

Ayon kay Cagalingan isang manunulat hindi umano makakamit ang globalisasyon ng bansa kung hindi kikilalanin ang sariling wika. Ito ay nagsisimula sa pagkilala sa sarili ang wika na siyang kaluluwa ng bansa.

Marami sa atin sa kasalukuyan ay nahuhumaling sa mga Korean language, Ingles at maging ang mandarin. Ilan sa atin ay mga tutor pa ng Ingles ngunit sariling wika ay hindi kayang magpakadalubhasa.

Ayon sa ating pambansang bayani na si Gat Jose Rizal, “Ang hindi magmahal sa sariling wika ay daig pa ang amoy sa malansang isda”. Ipagmalaki natin ang ating sariling pagkakakilanlan. Ito ay nagpapatunay na tayo ay malayang mamamayan. Kaya dapat manindigan, ang asignaturang Filipino ay mahalaga huwag tanggalin sa Kolehiyo! ( Paid article)