Kasalukuyang pamumuhay ng mga Pilipino ngayong panahon ng pandemya
Efulg
SA BUHAY ng isang tao, mayroon talagang mga pagkakataon na tayo ay lubhang mawawalan ng gana sa mga bagay-bagay. Isang halimbawa ng mga pagkakataong ito ay ang mga pangyayari sa kasalukuyan.
Dahil sa pagkalat ng sakit na coronavirus, napilitan ang bawat bansa na magdeklara ng ‘lockdown’ o pangkalahatang di paglabas sa ating mga tahanan. Ang pagdedeklara nito ay lubhang nakatulong upang di lumaganap ng tuluyan ang nasabing sakit.
Ngunit, naagapan man ang paglaganap ng Covid-19, di pa rin maiaalis na ang pandemyang ito ay nagdulot ng pagkawala ng mga kabuhayan ng maraming mamamayang Filipino.
Marami sa atin ang nawalan ng trabaho dahil na rin sa kinakailangang magsara ng mga kompanya at iba naman sa atin ay nalugi ang mga negosyo dahil sa walang kakayahang magbukas ng ito dahil na rin sa walang tatangkilik na mamimili.
Malungkot ang kasalukuyang pamumuhay ng mga Pilipino. Ito ay ang katotohonan sa mga pangyayari sa ating bansa. Mahirap maghanap ng trabaho ngayong pandemya na nagiging resulta sa lubos na paglubong sa utang ng ilang Pilipino.
Dahil na rin sa kawalan ng hanap- buhay, napipilitan ang iba sa ating mag ‘double job’ upang lubos na matustusan ang pangangailangan ng kanilang sarili at kanilang mga pamilya.
At higit sa lahat, masaklap ang pamumuhay ngayong nating lahat sapagkat hindi natin alam kung kailan tayo maaring tamaan ng nasabing sakit.
Dahil dito, konting ubo at sipon lamang ay lubha na tayong nag-aalala na minsan ay siya pang nagdudulot ng mas malubhang sakit.
Kaya naman, dapat pangalagaan natin ang ating mga sarili upang ng sa ganun ay hindi tayo madaling tamaan ng sakit. Ang pag-iwas sa sakit ay maaring gawin sa pagligo araw-araw, pagsuot ng face mask, at pagsunod sa mga patakaraan.