Karit politika... Dumegdegdeg U
MAS-ASIDEGEN ti panagipila iti kandidatura dagiti agngayangay inton 2016. Dumegdegdeg met dagiti kontrobersiya. Adu dagiti agul- ulimek ken agsisiim iti addang dagiti ammoda a makabalubaldanto. Adu met dagiti kasla nadanuman a tukak. Arig malasang ti bukaduradan iti kapaparada tapno inda iparikna nga agkasapulanda manen iti botos dagiti maul-ulawen a botante. Ket inton 2016... maulit manen nga adu ti maulaw a botante... babaen iti adu a kari, sapata, kuwarta ken kuwarta manen! He he... adu manen dagiti mabsog kadag i t i agpakan.. ngem adu met dagiti mabsog ti bulsada nangruna kadagiti ragadi. Dagita dagitay tao nga agsisinnumbangir a partido ti pagliksabanna. Ti imasna, dinto met laeng bumutos ti anak ti baka. Adu kadagiti politiko ti mailakoda agraman kararuada bareng mangabakda laeng. Ngem ti banglesna no maabak. Tinto laketdin mapabpabasolda! Kunada ngaruden: iti politika, maysa ti mangabak... ken maysa met ti sinaorda... (Kano).
-o0oMapa-lokal, rehiyonal ken nasyonal a rupa ti politika... awan dumada kadagitoy a panawen. Ginnuyodan. No asino ti ammoda a makatulong iti kandidatorada... ipamusposanda a guyoden. Iti ababa a pannao, CRAB MENTALITY! No nademonyo ni pulano nangruna no napurar iti sileng ti pirak, kagatennan ti amin uray agtubo ti ipus ken sarana. Malipatannan ti amin. Tay agkabusor... mabalin nga aggayyemda gapu iti pirak ni politika. Urayto pay agkakabagyan.. agkakalaban gapu laeng iti gartemda iti politika. Pinagbalindan a negosyo ti serbisyo publiko. Arasaas: adda ngamin kano kuarta iti politika. Sanabale kano a gumastoska ta nalakam kano ti bumawi. Ebidensiya: adun dagiti nakassuan gapu iti kinaturkabda iti kinabaknang manipud iti kaban ti ili. No apay a napigsa ti pakinakemda kano nga agkurakot: awan sa met kano ti madusdusa kadagiti kaskassuanda. He he... natumbokmo pards. Kasanom a kaamak ti aglabsing iti linteg no dikanto met laeng madusa? Idinto pay adda pay laeng death penalty kadagiti nadadagsen a krimen ditoy pagilian... saan a nagbuteng dagiti kriminal! Adu latta dagiti rapists idinto ta bitay ti katukadna. Di nakarkaro manen ita ta awanen ti kaamakda a linteg-bitay? Sabagay... nakaro ti utek ni Pinoy no panggep iti panaggundaway wenno rape. Addanto pay mang-rape iti manok (virgin) ken baka (kahit maluwang na ang karasan), ngek! Diak ammo no addanto maidarum a nang-rape iti kabalyo. No addantoman.. dagita dagitay sairo a di mapnek iti Pinatugaw A Manok ken Pinasikig a Baka! Pakayangem ida, este, pakawanem ida..ta ammodat ar-aramidenda dagiti annak ti nuang!
-o0oIti pannakaisursurat daytoy nga espasyo, dipay naan- anay a naporma dagiti teampolitikal. No adda man dagiti mapagsasaritaan a tumaray para iti kina-presidente... awan pay laeng ti maitudo a ka- tandemna wenno kinabise. Kas koma kenni Sec. Mar Roxas. Nupay silulukat pay laeng kano ti grupona para kenni Sen. Grace Poe a kas bise-na koma... adda met mangin- indorso kada Gov. Vilma Santos ken Mrs. Robredo (balo daydi DILG Sec. Robredo). Adda met daplis ni Vilma a saan nga interesado. Iti laengen kano lokal a posisyon ti tarayan met ni Mrs. Robredo. No iti benneg ni Sen. Poe... dakkel ti posibilidadna a dina awaten ti diaya kenkuana ni Mar agsipud ta adu met ti mangidurduron kenkuana a tumaray laengen kas presidente. Iti met benneg ni VP Binay... awan pay ti maitudo ken kumpirmado a para-bisena. Awan met dagiti masirsirip a mabalinna nga alaen wenno puntirya ti partidona. Ngem adda baro a karit iti agdama. Maidurduron ti tandem a Marcos-Duterte! Adda agkunkuna a napigsa kano daytoy a tandem gapu ta manipud Norte agingga Mindanao... adda naganda. No iti Kabisayaan, adda met puwersa dagiti kabagyanda dita. Ngem no eksperyensia ti pagsaritaan... natenneben da Mar ken Binay. Ngem kuna met dagiti natenneben a botante: awan dumana dayta iti ayat. Ngamin uray aggigiddan nga agruknoy iti ayatda ti maysa a pulis, soldado, navy, air force, seaman iti maymaysa a babae... marangada amin no ti nangitaray kenni pulana ket maysa laeng a minero! Depende kano iti laingmo a bumatok ken umabot. H-Haa? Saan aya a dagiti minero ket eksperto iti abot? Ahm..wen aya. Sori!
-o0oItay nabiit... naipatugaw met laeng ti baro a PNP Chief. Nupay katugtugawna pay laeng, adun ti panagbalbaliw ti naimutektekan dagiti umili iti kapulisan. Nupay adda latta dagiti mantsa kas koma kadagiti kameng ti pulisya a makaskassuan gapu iti nagduduma a krimen... ad-adu nga amang dagiti natudyo ken nadalus ti naganda. Kunada: uray mamin- ano a kasukatan ti mangidaulo iti PNP... dikanto kano maikkat dagiti kuto. Ballaag ngarud ni P-Noy: kuwidaw dagiti pulis- kotong! Daytoy ket simmaruno a kidag ni Presidente Noynoy idi nasuktan iti taga-HPG ti MMDA enforcers iti Edsa. Kayatna a sawen..amangan ta kumarkaro ti kotongan ta pulis manen ti agmando iti trapiko iti dayta a paset ti Metro Manila. Ngem ad- adu ti umanamong no pulis ti maisukat kadagiti MMDA enforcers tapno maaktuanda a sigida dagiti kriminal nga agar-aramat iti lugan. Sabagay... narigat ngamin a buraen ti burik wenno urit ti unipormida kadagiti naglabas a panawen. Adu dagiti krimen nga otoridad ti nairaman wenno akin- aramid. Nupay maulitulit ti karaba iti publiko a ditay koma ida husgaan a sibubukel ta ad-adu dagiti napudno iti takemda ngem kadagiti rinuker. Pagaammotayo metten a nadusan dagiti naglabsing nupay adu pay dagiti sumangsango iti kaso iti agdama. Iti mas narabrabaw ken praktikal a pangngarig, kunada: uray natapkalan iti napuskol a makeup ti rupa ti maysa a balasang no di met nagbaliw ti ugalina ...nalaes latta, este, naalas latta, saan kadi?
-o0oSemreken ti BER. Kayatna a sawen, nangrugin ti X-Mas season. Natural gumidgiddan manen ti paggastusan. No para kadagiti OFWs... irugrugida manen ti agurnong iti mabalinda nga iyawid iti inda panagbakasyon ditoy pagilian. Kadagiti dadduma, inrugidan ti nagurnong tapno makaipatulodda iti regaloda kadagiti ingungotenda. Idalanda iti Balikbayan Box. Maryupes! Dayta ti adatna ta nabara pay laeng ti isyu ti balikbayan box a kayatda a sukainan no sumangpet dita kustom. Por Diyos Por santo! Saanen a mailibak nga uray kadagiti kallabes, adda dagiti malukluktan a balikbayan box ken makurkurimes ti naglaonna. Nakarkaronton a makurimes, kunada, no agbalinen a linteg ken legal ti pannakalukat dagitoy a kargamento dagiti OFWs. Imbag laketdin ta bimmallaet ni P-Noy. Salamat Apo Presidente. Ngamin nagling-etan dagiti OFWs