Iti pulitika... Annadan dagiti Hudas!!!

SEMANA Santa (Nangina Nga Aldaw)- exitna. Campaign Period (local) – welcome!!! Dagita ti dua ken nagduma a rupa ti sosyodad iti agdama. Limmabas ti Semana Santa. Adda kadi karkarna a pagteng wenno pasamak a naimula iti ut-utekyo? No dakami ti inkay amaden... ay ket adu, pards. Saan laeng nga agraraay kada agsisipol. Agsasarumbinitda pay, kaka. Saggaysaentayo ida nga ibuksilan tapno intay timbangen no kurang wenno simmobra:

-o0oKarugrugi pay laeng ti Semana Santa wenno Nangina Nga Aldaw... gimmiddanen dagiti kontrobersiya. Ngimmato dagiti tagilako kadagiti destinasyon dagiti turista wenno bakasyonista. Kuna dagiti negosyante... maminsan laeng kano iti makatawen a medyo makabawida met. Paipus met ti dadduma: saan ngata a pananggundaway dayta? Adda kadakayon apo a mangamires. Ngamin kadagiti igid ti baybay... nagtubo dagiti ti la adda ditan a mailako a banag ken serbisyo. Dagiti sigud a libre kas koma pagugas laeng iti pinggan a danum... addan agpabayad agraman pagbalnawan ken pagsukatan. Iti ababa a pannarita, basta pagkuwartaan... aprub kadagiti wais. Siempre, gapu ta kasapulan, kidemanen dagiti bisita uray nangina ti serbisyo. Ultimo kano dagitay saan a malamot... mailakon ta adda met ngamin kano dagitay ignorante a kayatna ti mangraman. Pananggundaway man wenno saan... sapay koma ta nakatulong kadakuada ti inaramidda. Ket kadagiti met nabiktima... sapay koma ta nakaadalkayon iti leksiyon ti semana. Kas kunada: awan ti mangloloko... no awan ti agpaloko. Awan ti areng-eng no dika sagiden. Ups!! Guray... dipay nakaadayo ti anglem ti Nangina Nga Aldaw. Wen, aya. Sori!

-o0oKadagiti nalalatak a pagpassiaran iti sangapagilian... suwerte kano dagitay disso a binisita dagiti mabigbigbig a persona agraman pulitikos ken artista. Iti benneg dagiti pulitikos... napanda dita kas tao, saan a kandidato. Karbenganda met ngamin ti agngilin wenno agpainana. Kadagiti met artista, kayatda ti maisina kadagiti fans uray apagapaman. Ngem didanto mailemmeng ti kinasikatda. Arakenda latta ida. In short... gapu iti kina-public figureda (pulitiko man wenno artista) ...dida mananam ti ngilin ti Semana Santa ken panaginana a makuna. Kunada ngarud: imbag pay tay nagbondingkayo laengen iti uneg ti balay wenno solaryo ta maymayat. Naiduma met ngamin ti awis ti passiaran. Tay ngay adu ti m akitam nga aglalang-ay ken agraragsak. Ngem ti adatna... maikaniwas kano ti nakuna a tradisyonpassiar iti adal ken kaipapanan ti Semana Santa. Daytoy kano a panawen ti intay k o m a panangpatibker ti pammatitayo kenni Apo Namarsua ken Mannubbot. Ngem saan ta nagbalinen a kasla piesta ken ramrambak. Agsaludokami kadagiti nagpassiar ngem giniddananda iti Bisita-Iglesia wenno ibibisita kadagiti nagduduma a simbaan iti turongenda a destino. Kasungani met dagiti dadduma a sinawarda amin dagiti napipintas a resorts wenno beaches. Dayta ti Bisita Beach Resorts. Bag laketdin ta awan naipadamag a nalnalmes. (Siguro no nalmes iti areng-engadu!) Dagita dagiti nalmes kenni Magdalena.

-o0oIti sungaban ti Semana Santa, kas gagangay... adu dagiti pasken. Nagduduma a rambak a pagbussogan. Imbitasyon man wenno saan, mapno latta. He he..lamot kunam man! Dita met a nasirip dagiti galante kano a pulitikos. Nagbiag dagiti managpinikpikan kaskada inubon a nilambong. Karkaro kano no adda pay pisokbulsa manipud kadagiti kandidasto. Pows! Ayos ta pokis, pards. Ngem nadlawmi... nga adda met dagiti kandidato ti medyo nagngilin (kano). Ta apay? Pati “for the boys” kano... nagpinetensia met. He he... yamanem ketdi no adda pang-load, pards ngem tay ibbong! Ditayon aginagan ngem adda dagitay tumataray ti napan nag-EPAL kadagiti disso a sentro iti ngilin dagiti botante. Taotayo laeng ngamin. Addaan rikna a makipagrikna ken pirak a mangiparikna iti motibo. He he. Apay dakes aya kano ti umawat no dika met dawdawaten? No dinawatmo... kikil dayta. No pursarem... kutong daytan apo. Hay naku... kalkalpas ti nangina nga aldaw ...adtoy manen ti rugi ti binnasnutan nangruna ta nangrugi metten ti kampanya local. Umatiperperen ken tumapok manen ti sosyodad kadagiti agkakawil a sapata ken kari dagiti kandidato. Adu manen ti maulaw a botante. Adu manen dagiti kumita kasukat ti suporta. Kaasi piman dagiti gumastos iti sangabunton a pirak sadanto pay la maabak. Para kadagiti botante: Vote wisely. Kadagiti kandidatos: Spend Wisely. Kadagiti mabayadan: accept sincerely! Witwewww!

-o0oDitoy lokaledad... iti sungaban ti Semana Santa... adda dua nga eksena a kayatmi nga iparanud kadakayo, kailian: Umuna ket ti napasamak nga uram-residential sadiay Green Valley. Ti inkam pannakipagrikna. Ti adal: agannadtayo a kanayon tapno maliklikan ti uram nangruna ket nabaran ti panawen. Kadagiti biktima... kararamig ti kabuyogyo iti inkay manen ibabangon. Daytoy ket maysa a pannubok ti Apo a rumbeng laeng nga intay baklayen. Pagsasao: saannatayo kano nga ikkan iti parikut ti Apo no ditay kabaelan a baklayen. Kuna ngarud dagitay nasasaririt: ngumatngato ti kilatis ti balitok no daytoy ket puoram nga umuna. Kudos kadagiti amin a timmulong iti dayta nga eksena ti uram. Iti met sabali a benneg... ti maikadua a pasamak a di koma met rumbeng ita a Semana santa... ket ti bunga ti Oplan Magdalena ti CIU, BCPO (Baguio City Police Office) ken ti OCSWDO. Nakatiliwda iti maysa a balasang a nasalamaanda a madama ti makagargari a performance-na. In short... floor show. Iti mas ab-ababa a pannao: bold dancer. Natural, no bold kunatayo... masiripmo ti langit ken impierno. My God! Semana Santa... naituredda ti kasta nga eksena? Mabalin a gapu iti pirak. Saan aya a gapu iti pirak ket binallikogda ni Hesus? Gapu iti sileng ti pirak, adda nang-Hudas kenni Hesus. Dagita ngata a pangngarig ti tinawid ti tao nga agpapan ita ket mapaspasamak pay laeng? Sapay koma ta maatur dagitoy a pagbasolan tunggal Nangina Nga Aldaw. Kudos iti kapulisan ta dida nagbaybay-a. Sapay koma ta dinton maulit ti nasao a Giling. Sadino? He he... inkay damagen idiay BCPO!

-o0oKuna ni lolok... idi panawenda... tunggal Semana Santa... adu dagiti kannawidan wenno tradisyunal a pasken a manmanon a mapaspasamak ita. Idi... makalawas ti panagpapasyon. Iti maysa a barangay, aglibed ti pasyon kadagiti naayat a pagtaengan. Dita ti pagsasarakan dagiti agbasa iti pasyon wenno biag ni Hesus a maidalan iti kanta wenno dallot. Kadagiti simbaan... makumutan iti nangisit dagiti imahe ni Hesus kas mangipasimudaag iti pannakatayna iti krus. Maikkatto laeng ti abungot inton aldaw a nagungaren daytoy. Maangayto met dita ti libot wenno prosisyon. Tay sabet-sabet a prusisyon ket ti panagsarak dagiti agina (Virgin Mary ken Jesus) a mangipasimudaag ti ragsak iti likud ti lua ken rag-o iti likud ti liday nga inda pinasar. Dita kano metten a mabang-aran dagiti nagngilin nga iti riknada ket napakawanen dagiti nagbasbasolanda. Ngem idi damagen daydi tatangko no uso met laeng ti KABARET uray Nangina Nga Aldaw... ti sungbat ni lolok: Grabe, anak... uray ilansam iti krus... umulog a mapan ag-kabaret dagiti annak ti sal-at! Pwe! Ditay tultuladen ta dakes nga aramid! No saludsudenyo no ania ti kabaret... dagita apo dagiti de-tiket a pagipapasan ti sakit ti pus-ong! Ita a panawen..isu dayta ti nakatiliwan tay balasang a bold dancer ditoy Baguio itay Semana santa. Ngekkk! Adios mi amor, ciao, mabalos!