Ika-7 ug ika-8 COVID-19 positive sa MisOr, natala; pulos “imported”

NATALA ang ika-7 ug ika-8 nga kaso sa nagpositibo sa coronavirus disease 2019 sa Misamis Oriental. Ang ika-7 babaye, 34-anyos ang panuigon, gikan sa lungsod sa Tagoloan. Gikan siya sa Manila ug nakauli sa Misamis Oriental niadtong Hunyo 24 via sea travel. Samtang, ang ika8 gikan sa lungsod sa Claveria nga lalaki, 31-anyos ang edad, gikan sa Manila nga nakapauli sa susama gihapon nga adlaw pinaagi sa air travel.

Gitataw subli ni Gov. Bambi Emano nga pulos kini “imported” ug walay local transmission sa probinsiya hangtud karon. Gidayeg sa gobernador si Dr. Jerie Calingasan isip chairman sa Provincial Task for COVID-19 sa Misamis Oriental tungod niini.

Hinuon, padayon pa gihapon ang pakigbatok karon sa task force aron magpabiling luwas ang Misamis Oriental sa makamatay nga sakit.

Apan, hangyo ni Gov. Emano ug Dr. Calingasan nga unta magsilbing frontliners ang tanan dili lang health workers ug pulis, apan tanan unta mahimong responsable sa pagbaton og kalimpyo sa ilang kaugalingon aron nga masiguro pa gayud nga dili matakboyan sa COVID-19. Hugas sa kamot, puyo sa balay ug social distancing. PIO