Uling Pambobola
Aro aro keng lunes a datang Ing tauling sona na kaya neng sambitlan Nanu kaya wari ing bolang damdaman King Tauling Sona na nitang pamuntukan
Ing Panalangin ko sana nung pagbigyan Nitang Igpang Guinu karin king Sikluban Magpakatoto ne king tauling kaorasan Ba ne mang maging toto king kayang panyaptan
Ing sanang mamola iti ali ne sa A dakal a mehores ing kayang agawa Itang economya linundag yang bigla pero ring kalulu merakal lang bina
O sige o sige hangga na pa keni kekong tagabasa nini ng Sun.Star Keti king Pampanga tutung sikat ya yan Eko sana mamanagkas nanu mang damdaman
Keting tauling Sona ketang tauling pambobola Makiramdam tamu maging sibilisado ta sana Agyan mamakbung itang salu tamu Tauling pambobola magpasensya tamu.