Pagtuturo: Isang Propesyon o Bokasyon
Isang inang labis ang ligaya nang unti-unting pagmulat ng mata ng isang binatang halos apatnapung araw ang pagkakahimbing sa apat na sulok ng maputing kwartong di tumitigil ang galaw ng ibat-ibang uri ng aparatus. Isang panibagong buhay na bigay ng maykapal upang higit matanto ang misyon sa pangalawang pagkakataon. Marahil ang pangalan ay narinig n gating maykapal upang dugtungan pa ang buhay at magampanan ang misyon. Tunay ngang pag-ibig ay makapangyarihan, sa tahanang inuwian ng binate ay pangdiriwang ng pagbabalik ang isinalubong, Higit ang kagalakan maging pagsilip sa paaralang pinagtuturuan upang muling gampanan ang sinumpaang propesyon.
Sa kabila ng maselan pang kondisyon ay muling nagbalik sa kanyang propesyon upang higit matawid ang pangangailangan na gamot at tawag ng isang bokasyon na dapat ibigay sa kanyang mag-aaral.
Isang bokasyon, bilang mga guro, tayo ay may tungkulin na palawakin at higit pang pagyamanin ang aspeto ng pagtuturo higit kanino man ang mga guro ang nakakalam ng maayos na paraan ng mabuting edukasyon kaagapay ng institusyon.
Hindi maitatanggi na tagahubog ng kinabukasan ng sambayanan ang ating propesyon at higit maisasabuhay natin kung ito ang ating magsisilbing bokasyon, ang anumang ibinabahagi maging ito may pang-akademiko, pag-uugali at pagpapahalaga ay hindi masusukat ang halaga at hangganan.
Napakalaki i ng gamapanin ng isang guro una sa kanyang sarili. “You cannot give what you do not have”. Pangunahing tagapagturo at tagabahagi ng kaalaman ay di dapat humihinto sa kanyang pag aaral, pagpapakadalubhasa sa hinaharap na higit na magiging kapaki-pakinabang. Sa kanyang mag-aaral o estudyante, bilang pangalawang magulang, pananagutan ng guro ang hubugin upang maging ganap na matagumpay at responsableng mamamayan sa lipunan. Higit ang tayo ang magsisilbing gabay at modelo nila kaya’t dapat tayong maging responsable sa lahat ng bagay. Sa magulang, dapat nating pakatandaan na wala man tayong obligasyon sa kanila pero dapat nating pakamamahalin sila dahil sa kanila tayo nagmula at utang natin ang ating buhay. Gaya rin ng gampanin o obligasyon natin sa magulang ng ating mga estudyante, katulong sila sa pag hubog upang maging angkop sila sa lipunan.
Sa ating paaralan dapat natin itong suportahan dahil siya ang lumilingap at institusyong sentro ng kaalaman, at higit sa lahat sa ating bayan, dahil marapat lamang na gampanan natin ang ating mga responsibilidad upang higit nitong maisaayos ang mga programa sa kanyang departamento.
Isang propesyon at bokasyon ang pagiging isang tagapagturo. Isang pagsasakripisyo ng iyong tungkulin at marapat gampanan ng iyong buong kakayahan at puso, ito ay isang bokasyon na maaring magbigay ligaya at kaganapan ng iyong pagkatao. Sa muli, babangon at laging nanaising masilayan ang umagang maghahatid ng tunay na kagalakan sa aking puso.