Mga bagong upong PDs at CD galing PRO11
Mula nang maupo si Chief Superintendent Aaron Aquino bilang Police Regional Office-3 director, karamihan sa mga nauupo sa mga Provincial Police Offices at City Police Offices ay galing sa PRO11 ( Davao) .
Maging ang mga Staff Officer ni Aquino ay pawang dating natalaga na rin sa Davao.
Nang magretiro si Senior Superintendent Rodolfo Recomono, bilang Pampanga Police provincial director noong Oktobre 26, inaasahan ang papalit sa kanya ay iyong mga Senior Superintendents na nakatalaga sa PRO3.
Nguni’t hindi nangyari ito, si Senior Superintendent Joel Consulta ang naupo bilang OfficerIn-Charge ng Pampanga Police Provincial Office.
At nang magretiro si Senior Superintendent Jerry Sumbad ng Olongapo City police office noong Nobiembre 26, ang itinatalaga kapalit nito ay si Senior Superintendent Melchor Cabalza.
Si Senior Superintendent Randolf Balonglong ang itinalagang Officer-In-Charge ng Aurora police provincial office nang ma-relieved si Senior Superintendent Danilo Florentino.
Ganoon din ang nangyari sa Zambales police provincial office nang ma-relieved si Senior Superintendent Depra ang pumalit ay si Senior Superintendent Christopher Mateo bilang Officer-InChar ge.
Ang apat na naupong Senior Superintendents ay dating nakatalaga sa PRO11 (Davao) na kung saan matagal silang nagserbisyo kay Pangulong Rodrigo Duterte at nakasama din ni RD.
Ang mga nabanggit na mga Senior Superintendents itinalaga sa Central Luzon upang sugpuin ang illegal drugs sa rehiyon? Nagtatanong lang po ....
Ang biro ng mga police officer, sinalakay na raw ang Central Luzon ng mga Senior Superintendent na taga Davao? Nagtatanong lang po.
E kung tutuusin, ayon sa mga police officer, marami naman daw “qualified” Senior Superintendent taga Central Luzon sa mga nasabing mga puwesto.
Ang sabi naman sa Inyong Lingkod ng ibang police officer, e “weather weather” lang e napapanahon daw ang mga taga Davao ngayon.