Pagtuturong Filipino sa mga Mag-aaralng ika-21 Siglo
Ang tanging permanente sa mundo ay ang pagbabago. Nakararanas tayo ng mga pagbabago at modernisasyon dahil sa mabilis napag-usbong ng teknolohiya. Maging sa larangan ng edukasyon, nagdulot ng malaking epekto ang teknolohiya. Umusbong ang mga maka bagong mga kaga mitang pampagtuturo na makatutulong sa mga guro upang makapagturo nang maayos. Magamit ang mga makabagong dulog at estratehiya na tutugon sa pangangailangan ng mga mag-aaral. Sino nga ba ang mga mag-aaral ng ika-21 siglo? Paano kaya maituturo sa kanila ang asignaturang Filipino?
Ang edukasyon ngayong ika-21 siglo ay naglalayong magkaroon ng holistikong pagbabago at pagkatuto ang mga mag-aaral.Kinakailangan na malinang at hubugin ang kanilang kaisipan, talento, at kakayahan upang maabot ang pandaigdigang pamantayan at makasabay sa global nakumpetisyon. Ang mga mag-aaral ay mayroong kanya-kanyang kalakasan at paraan ng pagkatuto na kinakailangang isa-alangalang ng guro upang maging matagumpay ang pagtuturo.
Ang pagtuturong Filipino ay inaangkupan narin ng mga pagbabago. Nililimitaha n nang paggamit ng tradisyunal na pagtuturo bagkus ay tumutuklas nang mga kumbensyunal na mga dulog, estratehiya, at mga kagamitang makatutulong sa pagtuturo.
Ang paggamit ng makabagong teknolohiya sa pagtuturo ay maaring gamiting pagganyak sa klase at ito ay nakalilinang nang husto sa limang makrongkasanayan (pagbasa, pagsulat, pakikinig, pagsasalita, at panonood). Halimbawa narito ang paggamit ng mga kagamitang Audio-biswal gaya ng mga "video clips" at dokyumentaryo. Makatutulong din ang paggamit ng "Differentiated Instruction" sa pagtuturo. Mga gawain na katulad ng Role Playing, Talk Show, Pageant, Tableau, Pag-awit, Pagguhit at iba pa. Na gagamit ng mga mag-aaral ang kanilang iba't ibang mga kasanayan at katalinuhan. Mas nagiging interaktibo ang talakayan dahil nakatuon sa mga mag-aaral ang pagtalakay at malaya nilang naipapahayag ang kanilang mga ideya, saloobin, at opinyon tungkol sa paksang-aralin.
Ang mga perpormans o gawain ng mga mag-aaral ay maaring gamitinsa awtentikong pagtataya na susukat kung lubos bang nauunawaan ang paksang tinatalakay. Ang pakikilahok ng mga mag-aaral sa talakayan ay mas nakatutulong upang lalong maunawaan ang paksa. Higit ding nahahasa ang tatlong domeyn (pag-iisip, pagdama, at pagkilos) ng bawat mag-aaral sa mga gawaing ito.
Bilang mga gurong ika-21 siglo, malaking hamon sa atin ang mabilis na pagusbong ng teknolohiya. Ngunit hindi ito isang hadlang sa halip isang bagong midyum na maaari nating gamitin upang makasabay at makapagturo nang maayos sa ating mga mag-aaral. Maging bukas sa mga makabagong pamamaraan, maging malikhain at inobatibo upang hindi mapag-iwanan ng panahon. Laging sikapin na maging isang mabuti at mahusay na guro upang patuloy na magampanan ang ating misyon bilang mga guro. Ang lahat ng ito ay ating gagawin Para sa Bata, Para sa Bayan at Para saDiyos!.
*****