KABATAAN NOON AT NGAYON

MYLEEN G. GUANLAO

Atin pa rin bang mapapatunayan na ang mga kabataan ang pagasa ng bayan? Sa panahon ngayon na tayo’y na sa ika-dalawampung siglo na, marami sa mga kabataan ang patuloy na sumisira sa kasabihan na ito na iniwan pa sa atin ng ating pambansang bayani na si Dr. Jose P. Rizal.

Marahil dahil sa kadahilanang ang mga kabataanngayon ay napapaikutan ng mga ibat-ibang impluwensya. Katulad na lamang ng mga mag aaral sa panahon natin ngayon. Tunay ngang malaki ang pagkakaiba ng mga mag-aaral noon at ngayon. Mga mag aaral noon, may galang, respeto at takot sa kanilang mga guro at magulang sa kabila ng hindi naman ganoon kataas na antas ng teknolohiya, tradisyunal na paraan ng pagtuturo, at simple lamang na pamumuhay meron halos ang mga mamamayan. Karamihan sa mga mag aaral ay nagsusumikap at nagsusunog ng kilay upang maabot ang kanilang minimithing mga pangarap sa buhay, kaya naman marami sa kanila ang likas na matatalino at malayo ang nararating sa buhay.

Samantalang ngayon, maraming mga magulang at guro ang patuloy na nagrereklamo sa mga paguugali na meron ang mga kabataan o mag-aaral. May mga walang galang at respeto, kung itrato ang mg anakatatanda ay parang mga nakababatang kapatid lamang nila. Meron din mga walang tyaga sa pagaaral sapagkat kanilang isanasaisip na papasa at papasa pa rin sila. At marami na rin ang tuluyan nang nakakalimot sa mga tradisyon at paguugaling minana pa natin sa ating mga ninuno.

Ang mga ito, ay ilan lamang sa mga paghahambing ng mga kabataan noon at ngayon. Marami o malaki man ang kaibahan noon at ngayon, mahalaga pa rin na patuloy pa rin ang buhay at pakikibaka ng bawat isa sa mga hamon ng buhay sa pamamagitan ng gabay at pananampalataya ng Poong Maykapal. — oOo—

The author is Teacher III at Pampanga High School