‘GISING NA! ORAS NA!’

AMAPOLA MADERAS-FERNANDEZ

Kadalasan mapapaos na kakasigaw si nanay bago tuluyang bumangon ang mga anak para pumasok sa eskwelahan sa tuwing mga araw ng Lunes hanggang Biyernes. Dahil sa maaga ang oras ng pasok, marahil napapahaba ang tulog at napakiharap talagang tumayo sa kinahihigaan. Kinakailangang bumangon ng maaga upang maghanda sa pagpasok sa paaralan. Aalis sila ng tahanan ng mabigat sa kanilang kalooban sapagkat karamihan ay mas ninanais na maupo sa harap ng telebisyon o sa harap ng kompyuter.

Hindi lamang ito suliranin ng mga magulang, kundi problema din ng mga guro. Isang pagsubok kung paano hikayatin ang mga mag-aaral na pumasok sa paaralan ng buong kasiyahan at hindi mabigat sa kalooban.

Sa tuwing araw ng Lunes dapat ay pagsakasabik sa pagpasok ang kanilang nararamdaman. Maari nating itong umpisahan sa pagkilala sa sarili at pagpaparamdam na kabilang ang isang bata sa klaseng kanyang ginagalawan. Mahalaga na ang bawat bata ay mabigyang pansin at masabi at mapakinggan ang kaniyang mga opinion. Maari ring gumawa ng mga pangkatan para sa mga gawain sa paaralan, na napatunayan na sa mga pag-araal na epektibo hindi lamang sa akademikong pagkatuto pati na rin sa pakikipagkapwa-tao.

Dahil napakahalaga ng edukasyon, nararapat lamang na ang guro ay mahusay at may kasanayan sa pagganyak sa kaniyang mag-aaral upang dumalo sa klase. Maari silang magsagawa ng mga modernong paraan ng pagtuturo. Ang mga halimbawa ay sa pamamagitan ng mga laro, dula-dulaan lalo pa na usong-uso ito sa mga kabataan. Kapag ang mag-aaral ay nasisiyahan nabibigay sa kaniya ng kasabikang pumasok sa klase, ay isang malaking tagumpay sa mga magulang at mga guro.

Ang mga kabataang nasisiyahan sa pag-araal ay hindi na kailangan pang pilitin upang pumasok sa paraalan, mag-aral ng mabuti, gumawa ng mga takdang-aralin at ng proyekto, dahil mayroon silang sariling sigasig sa edukasyon.

Ang makasaksi ng isang kabataang may sigasig sa pag-aaral ay pagsaksi sa kaniyang tagumpay. Ang kabataang masigasig sa pag-aaral ay ikinararangal ng magulang at tagumpay ng isang guro.

— oOo—

The author is Master Teacher I at Doña Asuncion Lee Integrated School, Xevera, Tabun, Mabalacat City