KATATAGAN

REX Q. PABALAN

“Mahal mamamatay ba ang anak natin”? Ito ang natatandaan kong kataga na tanong ng aking asawa habang karga karga niya ang aming panganay na anak na isinugod sa hospital dahil sa sakit na Dengue. Marahil sa kalituan, tuliro na ang kaniyang isip bakit niya naitanong iyon, habang ako nama’y nagdarasal na sana mailigtas mula sa karamdaman ang aking anak. Habang binabagtas namin ang daan patungo sa ospital, pinanghawakan ko ang mga katagang mula sa Bibliya na “Mahawakan ko lamang ang laylayan ng Kaniyang damit, ako ay gagaling na.”

Sa pagkakataong iyon, inukit ko sa aking puso na magtitiwala ako sa pangako ng Maykapal, at walang akong ibang hihintayin na sagot kung hindi “Gagaling siya.”. Madalas, ang tao ay may pinanghahawakan kaya siya ay matatag sa gitna ng mga pagsubok, siya ay tumitibay dahil sa kaniyang mga mahal, at patuloy na itinataguyod ang buhay, na kung hindi siya aahon siya ay manghihina at maaaring bumagsak. Ngunit, tila minsan sa buhay ng tao, mahirap maging matibay, minsan rin nama’y may mga taong pilit na umaahon ngunit patuloy paring hindi nagtatagumpay. Kagaya na lamang ng isang karaker sa libro na nabangit, hinabol niya si Hesus para hawakan ang laylayan ng Kaniyang damit sa paniniwala na gagaling siya hindi dahil nagmilagro si Hesus kundi dahil sa kaniyang panananampalataya.

Ang kakatagan ng isang tao ay hindi lamang masusukat sa katapangan na harapin ang mga pagsubok, kung hindi sa mga prinsipyong pinanghahawakan natin sa kabila ng matinding hamon ng buhay. Sa dami ng mga hindi kanais nais na karanasan na aking napagdaanan , nanatili akong matatag dahil kasama ko ang aking Diyos na pinaglilingkuran.

— oOo—

The author is Teacher II at Santos Ventura National High School