KAYA NATIN ITO

Nasubukan mo na bang bilangin ang mga biyaya na nakapaligid sa iyo? Masdan mo ang iyong kapaligiran, halos di mo na mabilang ang mga magaganda’t nakatitigatig na biyaya ng ating Panginoon. Ang kalikasan na ating pinagkukuhanan ng ating yaman at karamay natin sa bawat araw ng ating buhay. Dinurugtungan nito ang ating buhay sa pamamagitan ng pagsusuplay ng malinis at sariwang hangin. Nagsisilbing kanlungan ng mga iba’t ibang hayop, puno’t mga halaman at maging ng tao sa sanlibutan.

Ang kalikasan ay yamang likas ng ating bayan. Naniniwala ako na ang tulad natin ay may malaking maiaambag upang maipagpatuloy ang pag-iingat at pangangalaga sa likas na yaman ng Pilipinas. Ating pangangalagaan, pagyayamanin at higit na payabungin ang mga likas na yaman. Ang patuloy na pang-aabuso at paglalapastangan ay dapat nang ikandado sa isip ng bawat sa sa atin. Maraming mga pamamaraan upang mangyari ang mga ito. Ang simpleng pagtatapon ng basura sa tamang lagayan ay isa nang pagpapatunay ng pakikiisa at pakikipaglaban sa adhikaing mapangalagaan ang ating likas na yaman. Ang ilan pa na kayang-kaya nating gawin ay ang sumusunod: Huwag hulihin ang mga maliliit na isda sa karagatan, huwag gumamit ng dinamita sa paghuli ng isda, laging linisin ang mga ilog at sapa, na may basura huwag kunin ang mga coral reefs sa dagat/karagatan at marami pang iba. Sundin lamang ang mga batas na itinatakda ng ating pamahalaan upang mapangalagaan ang ating mga likas na yaman.