Trabaho

Cynthia Pabalan Galang

PAG sinabing trabaho may iba’t ibang pagpapakahulugan tayo tungkol dito. Trabaho ibig sabihin kita, pera o sweldo. Siyempre pa ang trabaho ay isang paraan upang tayo ay kumita para sa ating pang-araw-araw na pangangailangan.

Pero hindi lang tayo nagtatrabaho upang kumita at mabuhay minsan nagtatrabaho tayo upang maging katulad ng Diyos. Nagtatrabaho tayo hindi lang para sa ating sarili kundi para sa ating mga mahal sa buhay.

Sa pagtatrabaho natututo tayong magtiis at magsakripisyo upang kumita. Sa pagtatrabaho din maipapakita natin ang magserbisyo sa iba. Sa bawat trabaho kaakibat ang responsibilidad, may gampanin tayo.

Kung ikaw ay isang guro bahagi ng iyong trabaho ang maturuan ang iyong mga mag-aaral. Ikaw ang magiging modelo mula sa pagpasok sa paaralan at sa pagganap ng iyong mga tungkuling nakaatang sa iyong mga balikat.

Ang isang taong niyakap ang kanyang trabaho hindi lamang sa perang kanyang kinikita kundi nakita niya na ito ay binigay sa kanya ng Diyos. Masaya niyang ginagampanan ng buong puso ang kanyang tungkulin na nakaatang sa kanyang balikat. Mahalin at gampanan nating ang trabahong pinagkaloob at pinagkatiwala sa ating ng Diyos upang kahit minsan ay maging katulad natin SIYA.

--oo0oo-

The author is Teacher III at Pampanga High School.