“Epektong mala-DOMINO”
Nancy M. Fernandez
“Pagkakaisa at pakiki-isa ang natatanging paraan para makamtan ang pag-unlad” pahayag na ito ay ang aking paninindigan mula sa aking puso. Hindi maikukubli na sa dami ng mga problema sa ating bansa hindi tayo tumigil sa pagrereklamo. Walang pagkilos na nagaganap sa bawat isa sa atin. Aking ipapahayag ang aking saloobin sa mga positibo at negatibong epekto ng ating pakiki-isa sa bawat proyekto ng ating pamayanan.
“Domino-effect” patungol ito sa paggawa ng isang bagay na maaaring maka-apekto sa malaking bagay. Sa makatuwid, ang ating pagkakaisa at pakiki-isa ay maaaring manghikayat pa ng iba na gawin rin ito upang magkaroon ng isa pang epekto at mas malaking ambag sa pag-unlad ng ating bansa at ng bawat isa. Ang pagsuporta sa mga gawaing pansibiko na may kaagapay na pagboluntaryo ay isang napakagandang paguugali na dapat taglayin ng bawat mamamayang Pilipino. Kung ang isa mamaayan ay nagnanais na mapaunlad ang kanyang sarili, at nagiging magandang halimbawa siya sa kanyang nasasakupan nagdudulot ito nang pagkaka-isa at pagbubuklod ng bawat isa. Ang walis tingting ay hindi makapaglinis kapag ito ay ilang piraso lamang, kailangan na ito ay isang bungkol para mas magamit ito na epektibo. Ganoon din tayo, kapag sama-sama at may pagkaka-isa magkakaroon ng magandang resulta ang lahat ng ating mga gagawin. Datapwat kung hindi tayo makikiisa magkakaroon ng kakulangan sa pagpapabuti ng isang bagay na magdudulot ng kabiguhan.
Halina sama-sama para sa isang pagsulong tungo sa pag-unlad hindi lang ng sarili at ng bayan.
The author is Teacher
--oOo-
III at Pampanga High School