Aksyon at Suporta sa Gitna ng Pandemya

Katherine Sebastian Cunanan

Marahil bago pa man mag-umpisa ang pandemya ay nakakaranas na talaga tayo ng crisis sa ating bansa, sa larangan ng pagkatuto, pagtuturo, pagiging estudyante at guro. Alam nating habang hindi nakakabalik ang mga mag-aaral sa formal schooling, maaaring mas maraming negatibong epekto ang maaaring idulot nito sa kanilang mga sarili. Hindi man natin araw-araw nakakasama ang ating mga mag-aaral katulad ng dati marapat pa rin natin silang bigyan ng emosyonal na suporta. Maaaring sa simpleng text o chat sa social media upang maramdaman nila na sila ay nananatili pa rin sa ating isipan. Ang pagbibigay ng kasiguraduhan na tayo bilang guro at patuloy na nagiging kaantabay at gabay nila sa kanilang emosyonal na pangangailangan. Ito ay upang magkaroon sila ng inspirasyon na makayanan ang anumang kasalukuyang problemang kinakaharap.

Bilang guro sa gitna ng pandemya ang pagbibigay sa mga mag-aaral ng mas mainam o madaling paraan upang makaagapay at makasunod sa new normal. Maging instrumento sa pagpapalaganap ng tamang impormasyon at angkop na kilos sa social media. Ang pag-iingat sa ating mga posts maging tayo man ay estudyante o guro ay karugtong ng ating pangalan. Anumang naisulat o nasabi natin masama man o mabuti ay mag-iiwan na ng marka. Marami mang suliraning dumating, gawaing lagging inihahain ang pagpapatuloy ng pagtuturo at pagkatuto sa gitna ng pandemya ay napakahalagang desisyon na tatahakin ng bawat isa. Ang pagsisikap at pagpupurige upang maisakatupan ang mga pangarap ay malaking hakbang para sa magandang kinabukasan. Pinakamahalagang lagi tayong handa sa anumang maaaring mangyari sa gitna ng sitwasyong new normal. Bagamat maraming hamon ang kinakaharap natin, ang pananalig sa Maykapal at dedikasyon sa ating gawain ang susi upang malagpasan ang anumang pagsubok na darating.

The author is Teacher

--oOo-

II at Pampanga High School