(Power is Held by the One Who Holds the Money)

“Ing salapi e ne pa apaligaya ing tau, o malyari neng apaligaya, ala king kalikasan na niti ing palwal ligaya.

Nung kapilan darakal ya atin kaniti ing ninu man lakwas na pang pagimbutan lalu.”

~ Benjamin Franklin

“Uling ing pakamal king salapi ing uyat ding miyayaliwang karokan, at ding aliwang maniglo kaniti dinayu na la king kasalpantayanan at tinusuk da ing sarili da king dakal a lugma.”

~ Mumunang Aklat nang Timoteu, Dangka 6: Sunis 10

(1 Timothy 6:10)

“Ing tutung pibandyan e asusukad king salapi o kabilyan o upaya. Masusukad iti king pamanang lakwan tamu para karing kaluguran tamu at papakdyan tamu.”

~ Cezar Chavez

“Ing bandi malyaring masira at ing salapi malyaring mabating ing upaya na king pamanyali; dapot, ing pangatau, kalusugan, belwan at mayap a pamanatul maging parating kaylangan king sablang kabilyan.”

~ Roger Babson

“Dapot ngeni atin tamung pibandyan karing tapayan a pila,

bang patunayan a ing mimigit karing sablang upaya manibatan ning Dyos at e kekatamu.”

~ Kadwang Aklat ning Korintu, Dangka 4: Sunis 7 (2 Corinthians 4:7)

Makalungkut a king yatu deng atu bina da lang tatalangan deng nung ninu deng tatalan salapi— karing pamilya, karing barkada, karing manungkulan king kapamalan o gubyernu. Makalungkut man dapot ita ing kadalasan at keraklang malilyari. Kamatutwanan, e mu ngeni ita nung e manibat king ibat antita na la deng keraklan a tau. Nung atin kang salapi igalang da ka at nung asno karakal ding kekang salapi samban da kang anting dyos. Ing uyat na nita ya pin ing pangamakasarili at pangasakim ning tau. Nung asno karakal a karakal at pamye mo pa deng kekang salapi, e da ka mu samban nung e magpakamate la pa at makamate para keka.

King pamilya, maralas ing tata yang ating dakal a salapi uling ya ing manintunan dapot nung e ne manintunan at e ne manakitan, e da niya naman igalang anting sadya. Atin kung siping bale antita ing dapat da ring penganak kaya.

Neng ing ima ya na mung manintunan at ing tata ali ne, ing ima namu yang pamintwan da, lilingunan da at papakitanan dang lugud, lingap at pakamal. Ing tata rugu piyata-ata de, bala e da ne akakit man at nung nanu mu ing labis king pengan da yang papakan da kaya.

Kareng barkada antita mu naman. Ing ating salapi autu-utu na la deng aliwang kabarkada at ya ing mararandam parati siwala. Ya ing kukumpas king sabla. E uling ing sasabyan na makabaldugan nung e uling ding salapi na ilang magsalita. Deng kabarkada nang pakakalulu bala itik na la mu o bibing kuruk-kurukan at tuki-tuki na la man kaya.

is now in the pipeline. The P50-million project includes a bridge that will connect the hinter areas of the barangays and will facilitate better access between the two bar angays.

Mayor Edwin Santiago and Vice Mayor Jimmy Lazatin also attended the event. Santiago reminded barangay officials to still continue serving their constituents despite the challenges posed by the corona virus pandemic.