Edukasyon sa Gitna ng Pandemya
Norydhin F. Smith
Ang edukasyon ay susi sa tagumpay. Ito ang lagi nating nababasa, naririnig, naoobserbahan at marahil ay atin nang napatunayan. Ngunit paano kaya ang edukasyon sa panahong may pandemya? Makakaya pa kaya nating abutin ang tagumpay sa kabila ng nararanasang bagong normal sa araw-araw ng ating buhay?
Sa kasalukuyan, mula ng magsimula ang naitakdang araw ng Oplan Balik Eskwela, ay nakakaanim na linggo na ang iba’t ibang uri ng pamamaraan sa pag-tuturo ng mga guro, mga magulang na naging guro at ang pag-aaral ng mga mag-aaral na dumadalo ng klase sa loob ng kani-kanilang mga tahanan. Heto ang ating makabagong pamamaraan ngayon ng pagtuturo at pagkatuto, ang tinatawag nating Distance Learning Modality, na kung saan nakapag-aaral ang ating mga kabataan kahit sila ay nasa loob ng kani-kanilang tahanan. Kabilang dito ay ang Modular Distance Learning (MDL) o ung tinatawag nating modyul. Ito ang pamamaraan kung saan ang mga magulang ang syang kukuha ng mga modyul na sasagutan ng kanilang mga anak sa kanikanilang tahanan. Malaki ang gampanin ng magulang dito, dahil sya ang pangunahing kaagapay ng kanyang anak upang ito ay matutuhan. Si nanay o si tatay ang mgsisilbing guro nila sa pamamaraang ito. Ang Gawain naman ni teacher ay mag-assist kay nanay o tatay sa pamamamagitan ng text, tawag o sa messenger. Ang Online Distance Learning o ODL ay isang uri din ng Distance learning Modality na kung saan nangangailangan tau ng makabagong teknolohiya tulad ng Compuer, Laptop, Smart Phone at hindi mawawala dapat ang internet connection. Kailangan din natin dito ang kaaalaman sa mahusay na paggamit. Dito nagkakaroon ng pagkakaton na magkita-kita ang mga guro at estudyante sa pamamagitan ng Virtual Meeting. Dito personal na naipapaabot ng guro ang kaalamang nais niyang ibahagi sa kanyang mga mag-aaral. Di nga lamang face to face basis, pero nagkikita at ngkakausap sila ng guro sa pamamagitan ng teknolohiyang nabanggit. Television-Based Instructions o TVBI, ito naman ay ang pag-aaral na ginagamitan ng telebisyon. Ito ay ginagawa upang ang mga bata ay makasunod sa leksyon kahit wla sa tabi nila ang kanilang mga guro. Ibinapalabas dito ang mga paksa na nakabase sa kanilang mga aralin. Ito ang nagsisilbing katulong ng mga magulang sa pagtuturo sa kanilang mga anak. Kung mayroon sa telebisyon, mayroon din tayo sa radio, ito ay ang Radio-Based Instruction. Tulad din ito sa telebisyon, ang pagkakaiba nga lamang ay pakikinig lamang pero ang pinagbabasehan parin ay aralin. Parehong mga guro ang gumaganap at nagpapakitang-turo dito. Ang pinakahuli ang ay ang Blended Distance Learning o BDL, ito naman ay ang pinagsama-samang pamamaraan ng Modyul, Online Distance Learning, TV and Radio-Based Instructions. Ito ang iba’t ibang pamamaraan ng DepEd upang maipagpatuloy parin ang edukasyon sa gitna ng pandemya.
Marami tayong maaaring pagpliian. Marami din tayong maaaring idahilan. Mga dahilan na maaaring ikatatagumpay o ikababagsak ng edukasyon sa ating bansa? Saan ka kaya dito, doon ka ba sa bahaging dahilan ng ikapagtatagumpay o isa ka kaya sa dahilan ng pagbaksak nito? Pilipino ka, Pilipino ako… Di ba mas maganda kung magtulungan na lang tayo?
The author is Mater Teacher
--oOo-
I at Abelardo Go Tinio Elementary School, Division
of Angeles City