Edukasyon Sa Panahon ng Pandemya

Elsie P. Cabarle

Magkahalong lungkot at saya ang naranasan ng mga magaaral sa pagbubukas ng klase ngayong taon. Karamihan sa mga magaaral pinili ang modyular learning dahil na rin sa wala silang kakayahang bumili ng mga gadyets at internet koneksyon na kakailanganin. Minsan bunsod na rin ng kahirapan, buti na lang nag-alok ang gobyerno na libreng pamamaraan upang maipagpatuloy ang pagaaral lalu na sa mga mahihirap nating mga kababayan.

Sa isang banda yung may kakayahang matutustusan ang pag-aaral sa pamamagitan ng on line learning ay matiwasay na nairaraos ang kanilang pagaaral na higit na natutukan at nagagabayan ng guro sakaling lubhang mahirap ang isang aralin.

Malaking hamon sa bawat magaaral , magulang at guro ang pagaaral ngayong panahon ng pandemya dahil dati nilang ginagawa ay limitado na lamang. Ipinanukala ng gobyerno ang bawal na paglabas ng mga menor de edad dagdag pasakit din ang pagkawala ng hanapbuhay ng mga ibang magulang.

Napakabigat ng pasaning ito lalu na sa mga magaaral na ang tanging mithi ay makapagtapos ng kanilang pag-aaral at makamit ang edukasyong inaasam upang kahit paano’y maging maayos ang kanilang kinabukasan.

Anuman ang sitwasyong nararanasan ng bawat isa ngayon malaking tulong pa rin ang modyular learning dahil kahit papaano ay maipagpapatuloy ng ating mga mag-aaral ang kanilang pagkamit ng edukasyon sa panahon man ng pandemya nababanaag pa rin natin ang pagasa na ating itong malalampasan.

--oOo-

The author is Teacher II at Mauaque High School (RES), Mabalacat City.