TULOY ANG EDUKASYON
Mary Grace A. Tabora
WHOA! Isang KAWARTER na ang nairaos ng Kagawaran ng Edukasyon sa gitna ng pandaigdigang pandemya. Masasabing ito’y makinang na tagumpay ng departamento sapagkat ang sinasabing imposibleng pagbubukas ng klase ay naging possible sa kabila ng nakakabahalang banta sa kalusugan dulot ng virus na COVID-19. Ngunit paano humantong ang DepED sa kakaibang pagwawaging ito?
Tunay na maraming salik ang nagsilbing susi sa pagpapatuloy ng edukasyon sa panahon ng emerhensiya. Una rito ang agarang PAG-AARAL at PAGPAPLANO. Iba’t ibang sarbey ang inilabas upang makabuo ng nauukol na bagong modalidad ng pagtuturo na hindi kakasangkapanin ang tradisyonal na pamamaraan o pisikal na intrekasyon. Kasunod nito ang pagpapalabas ng Basic Education-Learning Continuity Plan (BE-LCP) na naglatag ng sunod-sunod na hakbang na kailangang isagawa sa bagong normal na edukasyon. Mula sa sentro ng kagawan tungo sa pangrehiyonal, pandibisyon hanggang sa paaralan ay minodipika ang planong ito na naaayon sa konteksto ng bawat hirarkiya ng nagpapalakad ng edukasyon. Pangalawang susi ang KOMPREHENSIBONG IMPLEMENTASYON. Ang mga tauhan ng kagawaran ay mabilisan at pulidong sinanay gamit ang kursong Learning Delivery Modalities 1 at 2 upang ganap nilang matugunan ang pangangailangan ng mga mag-aaral sa kani-kaniyang pamayanan at maisagawa nang wasto ang tungkuling nakaatang sa balikat ng bawat isa. Gayundin, sa presentasyon ng BE-LCP sa bawat paaralan hinikayat ang lahat ng kasangga ng departamento pribado man o publiko, kompanya o indibidwal na tumulong sa abot ng kanilang makakaya. Nariyang din na isang susi ang MALAWAKANG DISEMINASYON NG IMPORMASYON. Gamit ang Infographics at bukas na linya ng komunikasyon at mga polisya gaya ng DepEd Order Nos. 8, 31 at 30, s. 2020, mabilis na nalilinaw ang mga katanungan ng mga kliyentente ng paaralan tungkol sa iba’t ibang mekanismo at iba pang detalye na kakabit ng bagong normal na pagtuturo at pag-aaral.
Ang P.I.D. ang gumiya sa paggarantiya ng pagpapatuloy ng edukasyon na nilangkpan ng PAGKAKAISA ng lahat ng sangkot kasama ang mahal nating magulang at mag-aaral. Minsan pa napatunayan ang katotohanan ng kasabihang “Kung AYAW ay maraming DAHILAN at kung GUSTO ay maraming PARAAN.” Ninais ng DepED na huwag mahinto ang pagkatuto ng mga mag-aaral palibhasa’y totoo ito sa kaniyang MISYON “ang ipagsanggalang at itaguyod ang karapatan ng bawat batang Pilipino ng kalidad, ekwitable, kultural at kompletong batayang edukayon” KAHIT PA SA PANAHON NG KAWALANGKATIYAKAN.
--oOo-
The author is Principal I at Cawayan Elementary School