Mag-aaral, Dapat Pagkatiwalaan

Hajie Alejandro G. Dela Cruz

“Trust Nobody,” negatibong pananaw at pag-uugali ngunit ito ay hindi kailanman nauukol para sa bawat mag-aaral.

Mahirap magtiwala sa isang tao, lalo na kung hindi mo sila kakilala. Kahit pag minsan ay kakilala mo na ay napakahirap pa rin ang magtiwala.

Sa bagay na ito, bilang isang guro, ang pagtitiwala sa bawat mag-aaral ay lubhang mahalaga at kinakailangan. Ito ay isa sa mga sangkap upang maabot nila ang tinatawag na dekalidad na edukasyon.

Naniniwala ako na ang relasyon ng isang guro at isang mag-aaral ay kinakailangang may matibay na pagtitiwala at pag-unawa sa pagitan ng anak at magulang.

Sa ganang ito ay makukuha ang loob ng bata upang maituro at paniwalaan ang isang guro sa mga aralin at pangaral na tama. Sa ganitong paraan kung lahat ng mga mag-aaral ay nakikinig at may tiwala sa mga itinuturo sa kanila, malamang ay wala ng sakit ng ulo na mag-aaral ang bawat guro.

Bilang isang guro, naniniwala ako kung ang mag-aaral ay binigyan ng pagkakataon na pagtiwalan sila. Maaring malaking tsansa na ibabalik ng mag-aaral ang tiwalang binigay. Ang tiwala ay makakauha ng tiwala sa pinagkatiwalaan.

Makakamit lamang ang mga ito kung, bilang isang guro ay magtitiwala ka sa bawat mag-aaral, matalino man o hindi, nasa star section man o na sa last section.

Sa bawat pagkakataon ay maari na mang pagkatiwalan ang mag-aaral. Sa simpleng pagtitiwala na kaya nila ang bawat gawain o pagsubok sa kanilang pagiging buhay mag-aaral. Ito ay nangangahulugang maaring makapagbigay at makapagpataas ng moral ng isang mag-aaral.

Ang tiwala ng guro sa mga mag-aaral ang siyang magiging tulay upang maikonekta ang kaalamang dapat matutunan ng mga mag-aaral tungo sa dekalidad na edukasyon.

Dahil ang dekalidad na edukasyon ang siyang mag-aangat sa bawat sambayanang pilipino tungo sa maunlad na bansa.

--oOo-

The author is Teacher III at San Vicente Elementary School