Asignaturang Filipino dapat Ingatan at Pahalagahan sa Panahon ng Pag-aaral
CIRILO E. QUERUZ
Ang pagkakaroon ng isang wika ay lubhang mahalaga sa pagkakakilanlan ng isang bansa. Ito ay sumasalamin sa kasaysayan ng mga sinaunang tao at kung paano ito nabuo sa pagdaan at paglipas ng maraming taon. Isang wika na nagbubuklod sa lahat ng mga mamamayan sa isang bansa. Kaya mahalaga ito na ating maingatan at patuloy na pahalahgahan.
Sa pagkatuto ng asignaturang Filipino ika nga ng mga nakakarami ay napakahirap, mas mahirap pa sa ingles kumbaga. May mga aspeto sa Filipino na maaaring sang-ayunan na mahirap o madali. Maaaring depende na din siguro sa estratehiya ng pagtuturo ng isang edukador at kung paano ang pagtulay niya sa interes ng mga mag-aaral. Sa puntong ito, ang pagiging interaktibo, integratibo at kolaboratibo ang maaaring gamiting estratehiya ng isang magtuturo ng Filipino.
Tignan nalang ang sitwasyon ng pandemya ngayon na kung saan ay blended-learning ang ginagamit na paraan ng mga edukador. Sa puntong ito, maaaring magkaroon ng pagkabato o pagkainip sa isang mag-aaral. Lalo't sa kung maghapon na online learning na nakaharap sa kompyuter. O kaya naman ay maghapong tutok din sa pagsagot sa mga modyul nila. Sa parteng ito. Maaaring maging interaktibo ang guro, nabangit sa mga diskusyonan noong nakaraan na ang pagiging interaktibo sa klase ay ang susi sa maayos at mas buhay na daloy ng aralin. Nagkakaroon kasi ng tinatawag na pagbabahagi ang mga mag-aaral at naisasagawa din ang tinatawag na student o learner centered. Kung saan nagiging facilitator ang guro at madalas magbahagi at magsalita ang mag-aaral sa loob ng klase. Sabi nga nila (give-and-take). Oo tama nga, na kung saan hindi lang ang guro ang nagbabahagi kundi pati na ang mga mag-aaral. Ikalawa ay ang pag integrate o integratibo, sa pagtuturo ng asignaturang Filipino maaaring may mga ibang asignatura ang maaaring maging integratib habang nagtuturo. Sa puntong ito natatawag itong (across the learning area), hindi na ito karaniwan sa isang edukador. Sapagkat, mayroon at mayroong mga asignaturang tatamaan habang siya ay nagtatalakay ng mga aralin sa Filipino. Ang kinagandahan nito ay may mga estudyanteng hitik sa kaalaman.
Nandiyan ang mga mahilig magsaliksik sa internet, mga mahihilig magbasa na kung saan hindi napapansin sapagkat nagkakaroon ng barrier sa kanilang pagkatuto lalo sa mga asignaturang alam nila na sila ay hindi gaanong nakakasabay. Kaya ang pagiging integratibo sa Filipino minsan din ang nakakahikayat sa mga mag-aaral upang lalong matuto. Ikatlo at panghuli ay ang pagiging kolaboratib, isa sa mga epektibong estratehiya sa pagtuturo ng asignaturang Filipino. Ang partisipasyon ng bawat mag-aaral sa loob ng klase ay sadyang napaka-importante. Nakikita sa parteng ito ang husay, interes at mga pangangailangan ng isang mag-aaral. Ang paggamit ng kolaboratib ay mainam sa mga klase na kung saan pansin ang maliit na tiyansa ng partisipasyon mula sakanila. Sa parteng ito, natutulak ang limitasyon ng bawat mag-aaral sa pagiging kolaboratib lalo na sa kanilang mga kaklase.
Itutulak nito ang kanilang husay at galing sa pakikipag thinkpair-share, brainstorming at marami pang-iba. Ilan lamang ito sa mga estratehiya upang lalong maging epektibo ang pagtuturo ng asignaturang Filipino.
Ngunit sa panahon ngayon, lalo't sa panahon ng pandemya ay kinakailangan ng mas puspusang pagtitiyaga at pag-iisip ng mga alternatibong estratehiya sa pagtuturo lalo na ng asignaturang Filipino. Kung saan nagagamit at lalapatan nito ang kanya-kanyang panghinaharap na gampanin ng bawat mag-aaral.
*****
The author is Principal I- San Agustin Elementary School SDO- Malolos Ci t y